تجمع طالبات الانتساب لمناقشة الجداول والاستاذات(الفصل الأول)2014

[miss-busy]

ابغى اسماء اساتذه شرحهم مفهوم علم النفس التجريبي, الفروق الفرديه , التوجيه والارشاد النفسي psy446 , علم نفس الفئات الخاصه , علم النفس الجنائي, الاحصاء111 الماده الحره الثانيه مو موجوده بامواد المتبقيه احد يفيدني ليش..؟؟ وجزاكم الله خيرآ من ساعدني ولكم دعوه بظاهر الغيب

غلاوي عزيزتي


بالنسبة للتجريبي أخذته مع هدى خليفة .. ممتاااااااازة جدا جدا ماشاء الله المادة معاها تنفهم كويس مرة وتثبت المعلومات

مذاكرة المادة كانت سهلة علي بسبب شرحها المتمكن ماشاء الله بعد توفيق الله طبعا وهي عسل وظلها خفيف راح تحبي محاضراتها


التوجيه أخذته مع نسرين يعقوب .. ممتازة ماشاء الله ، في البداية حسيتها باردة وشرحها بارد بس مع الوقت شفت شرحها حلو ومميز غير تقليدي

تشرح النقاط بالتجارب الواقعية اللي مرت عليها واللي اتعاملت معاها ، حسيت مو بس فهمت المادة كمان أخذت من خبرتها في التعامل مع الحالات << نسرين يعقوب لا تعوض صراحة



الإحصاء كنت راح أرشح لك أكيد دلال المقاطي أو مريم عثمان أو إيمان الطباع بس يبدو لي إن الإحصاء معاك من التحضيري مش من التخصص

أعتقد الأستاذات يختلفوا << ممكن تسألي في قسم الإحصاء بس تنزل الأسماء

الفروق مادة حلوة وخفيفة وسهلة مدري مين ممكن أرشح لك ، أنا أخذتها مع فاطمة عقاب بس ماكان شرحها مرضيني مع الأسف << ما أرشحها


فئات وجنائي لسه مادرستها << بس أفتكر صحبتي نصحتني بـ لمى حكاري أو مرفت الشرقاوي في الفئات وكثيييييييير بيمدحوهم




.................................................. .................................................. .


عالعموم هي أسماء الأستاذات لسه مانزلت ودائما بيصير تغيير في الأستاذات

بس ينزلوا وتعتمدي أحد فيهم تعالي اسألي ونفيدك إن شالله بالأفضل فيهم


بس شوفي هذي الأسماء اللي ذكرتها لو لقيتيها لا تتردي في إضافة المواد معاها << عن تجربة

وابعدي عن فاطمة عقاب سعود لو نزلت



الله يوفقك ويختار الخير