فزعتكم في جدولي الله يسمح لكم دروبكم ق1

[متفائله بالله]

يسعد الله صباحكم بالخيرات

بدات حوسة الجداول وشايله هم وابي استشيركم في جدولي وان شاءالله ما يخيب ظني فيكم

انا مفروض ذا السنه سنة تخرج بس معدلي نزل 3,54 الاترام اللي فاتت بس الله يزينها من عنده ويرتفع وسمعت انه على الترمين الاخيره ماعاد يرتفع فقررت اخذها موادي الباقيه 4 اترام
وابي شوركم علي من استشار ماخاب باذن الله

باقي لي 16 مادة
مادتين حره ومادتين اختياريه

تنمية موارد بشرية _ موازنة وماليه عامه _ نظم معلومات _ بحوث عمليات _ اقتصاديات الصحه _ الثقافه الاسلاميه 4 _ ادارة مستشفيات _ بحث وتدريب _
التمويل الصحي _ قراءت اداريه بالانقلش _ تقييم البرامج الحكومية _ سياسيات الرعاية الصحيه

ابي شوركم علي في جدولي وش الاسهل وش الاصعب وكيف ترتيبها اخذها عشان اجيب معدل الله يرزقه /ها الفردوس الاعلى بغير حساب ويبشره /ها ما يتمنى ويحقق مراده /ها

انا قلت اخذ تنمية موارد بشرية _ بحوث عمليات _ ادارة مستشفيات _ التمويل الصحي

انتظر ردودكم الله يفرج همومككم يا رب

[حسن المالكي]

بسم الله الرحمن الرحيم
اول شىء ابشري بالخير وانا اخوك ولاتنسيني من دعواتك الله يوفقك , الشىء الثاني ممنوع تاخذي بحوث عمليات وتمويل صحي بترم واحد
انا وزعت لك المواد على ثلاث اترام , لايغرك اسماء المواد ترى بعضهم سهل , وبعضهم يحتاج الي تركيز قوي

بحوث العمليات مثلا عبارة عن 7 دروس فقط لكن يبغي لك تركزي بقوة وتتدربي على حل التمارين اكثر من مرة حتى تتعودي وتتعلمي كيف تستخدمي الالة الحاسبة .
التمويل الصحي هذى مادة مثل الحرباء متلونه ههههه يبغي لك تنتبهي لها لانها فى ظاهرها بسيطة وفي باطنة شوي معقده
القراءات الادارية مادة حلوة لاتخافي منها , بس الله يرزقك بدكتورة كويسة وحاولي تسالي عن افضل دكتورة لها .



تنمية موارد بشرية
موازنة وماليه عامه
نظم معلومات
اقتصاديات الصحه
مادة اختياري
مادة حرة



بحوث عمليات
الثقافه الاسلاميه 4
ادارة مستشفيات
بحث وتدريب _
قراءت اداريه بالانقلش
مادة حرة


التمويل الصحي
تقييم البرامج الحكومية
سياسيات الرعاية الصحيه
قراءت اداريه بالانقلش
مادة اختياري





انتي تفرجي للجدول الي انا حطيته لك , وفكري فيه كويس وابحثي عن المواد الى مدرجة وحاولي تفهمي وش تتكلم عنه كل مادة وبعدها لو حبيتي نغير فى الجدول ونتناقش فيه انا تحت امرك

الله ييسر لك

[متفائله بالله]

أخوي حسن بيض الله وجهك ويسر الله امرك والله يجزاك كل خير يا رب
بس انا معدلي نزل وقلت اخذ بس اربع مواد الترم ذا ارفعه افضل مااضغط على نفسي

نظم المعلومات احس طويله افضل اخليها الترم الثاني
واقتصاديات صحه تشور علي اخذها بدل تمويل صحي دام ما اقدر اخذها مع بحوث عمليات

واخذ الماده الرابعه يا اختياريه يا اي ماده من التخصص
واتمنى باقي الاخوان والاخوات يساعدوني الله يساعدهم ق1

[حسن المالكي]

والله وانا أخوك نفس الشغلة. لو حاولتي تنقين مواد سهلة راح تكتشفين في الاترام الاخيرة مدى الصعوبة الي وضعتي نفسك فيها
انا وزعت لك الجدول بحيث أوزع الاثقال في الاترام


الشئ الثاني شيلي من بالك مسالة 4 مواد فقط
شدي حيلك وا ضغطي نفسك شوي عشان تتقدمي خطوة


فكري بكلامي زين والراى في النهاية لك
واسال الله لنا ولك التوفيق

[متفائله بالله]

امممممين يا رب الله يسعدك المشكله احنا الدكاتره عندنا كل شي معانا انا كنت اخذ الترمين اللي فاتت من 6 وهي اللي نزلت معدلي من 4,44 في ترمين نزل
اتمنى اتخرج لو بجيد جدا :(

الله يكتب الله فيه الخير وانتظر بنات الانتساب الله يسعدهم ويسعدك اخوي حسن والله اني احترتت بس الله يسهلها ويكتب اللي فيه الخير

[حسن المالكي]

بحوث عمليات
تقييم برامج
بحث وتدريب
ادارة مستشفيات
ثقافة اسلامية
فن الاقناع ...حر



ايش رأيك ؟

[متفائله بالله]

المستوى السادس ..

بحوث عمليات
تقييم برامج حكومية
الثقافه الاسلاميه
ادارة مستشفيات
مادة اختياريه
مادة حره




المستوى السابع ...
تنمية موارد بشرية
تمويل صحي
قراءاءت بالانقلش
نظم معلومات
مادة اختياريه



المستوى الثامن ...
مادة حره
موازنة وماليه عامه
اقتصاديات الصحه
بحث وتدريب
سياسيات الرعاية الصحية



رايكم في ترتيب جدولي على الاترام الثلاثه ؟!!!

[ابراهيم 111]

المشاركة الأصلية كتبت بواسطة متفائله بالله المستوى السادس .. بحوث عمليات تقييم برامج حكومية الثقافه الاسلاميه ادارة مستشفيات مادة اختياريه مادة حره المستوى السابع ... تنمية موارد بشرية تمويل صحي قراءاءت بالانقلش نظم معلومات مادة اختياريه المستوى الثامن ... مادة حره موازنة وماليه عامه اقتصاديات الصحه بحث وتدريب سياسيات الرعاية الصحية رايكم في ترتيب جدولي على الاترام الثلاثه ؟!!!

ممتاز جدا من وجهت نظري وتقدري ترفعي المعدل مواد حره عند الاقناع والاختياريه النظام السياسي السعودي ولا تشاور غيري فيها

بتوفيق

[متفائله بالله]

يعني اثبت على ذا الترتيب ؟!

اقتصاديات صحه _ سياسيات الرعاية الصحيه < ابي رايكم من حيث الصعوبة والسهوله والمذاكره من الشرائح وافضل دكتوره والا عادي اقدر اخذ مع دكتور

موازانه ماليه _ نظم معلومات اداريه _ تنمية موارد بشرية < صعبه والا سهله انا مااحب الحفظ اواجهه صعوبات فيه ههههههههه اقعد سنه عشان احفظ :(
ومن افضل دكتورة لها والمذاكرة تكون من الشرائح والا لازم كتب

[متفائله بالله]

سبحان الله وبحمده سبحان الله العظيم

ماافيه احد رد :(