||الطلاب والطالبات المستجدين في قسم اللغات الأوروبية حياكم الله وبياكم ||~

[white rose]

المشاركة الأصلية كتبت بواسطة يابانية شمرية لا ما دتين كثير على مخي خاصة أني مو متقبلة نفسيا التخصص كله بس كنت أقصد إني هل هذي المادة لوحدها تكفي أنها تخليني أستوعب مبادئ اللغة؟ لأن اول ماجيت اضيف المواد، نطت بحلقي دكتورة أو ادارية مادري ايش شكلها، قالتلي لازم تاخذي كل المواد ولا لأ قلتلها يابنت الحلال انا بهذا التخصص مؤقتا وبس حابة اتعرف على التخصص بمادة، قالت لااا مافي.. شريرة مارضت حتى تضيف لي مادة >_< لما جيت فيوم ثاني، الحمد لله جات وحدة ثانية واقترحت علي بصدر رحب التعبير الشفهي وضافتها لي فأنا بس متخوفة من ناحية الفهم والتركيز ومن جد تنحسب لي المادة كـ مادة حرة؟؟ مررة حلو يعني اعتبر نفسي افتكيت من مادة والساعات ما راحت بلوشي

ههههههههههههههههههههه خلاص براحتك الله يسعدك اهم شي انتي تتقبلي التخصصات الاوروبية على خير

اظن لا لان المادة عبارة عن تعبير مو قراءة لو كانت قراءة كان ممكن اككد لك انو راح يشرحو لكم مبادئ اللغة بشكل افضل لكن ما يمنع جربي وشوفي

ايوه اكيد الادرايات كلهم كذا ما عندهم غير ينزلو لك المواد بدون ما يفكرو عندك قدرة وتفرغ للشي دا ولا لا

تدرين بيني وبينك احيانا نروح للشئون الاكاديمية نضيف من هناك عشان هالشيء طيب كويس الحمدلله انو فيه احد غيرها عندنا بتخصصنا القميل الانتساب اجباري موظفة وحدة وانتي وحظك

ان شاء الله خير طيب اسمعي امسكي هالموضوع واتعلمي منو الاساسيات بس عشان لا تدخلين الكلاس وانتي ما عندك خلفية :
فديوهات تعليم اللغة الفرنسية من المستوى الميتدئ الى المستوى المتقدم

يب معك حق وما حتروح بلوشي حتى لو نزلتي مادتين لانو اورودي انتي عندك 6 ساعات حرة تنزلي فيها اللي تبغيه + بتخصص الانجليزي فيه مادة فرنسي بالخطة يعني حتسفيدين والتجربة حتكون مساعدة لك

الله ينور لك بصيرتك :-)

المشاركة الأصلية كتبت بواسطة انسه سوشي السلام عليكم .. حتى أنا أنقبلت بس مدري ليه مانزلوا لي جدولي .. هذا الشي عادي والا في مشكله .. أنا بأذن الله بروح الأحد وبضيف والله ييسرهآ لي .. وكمان عندي سؤال ثاني .. انا أضفت مادتين عربي 2 وثقافه 2 ولما رحت للاستاذات بمبنى الجوهره وسألتهم قالت لي كل شيي أضفتيه ينحذف .. وينزل لك جدول جديد .. طيب لو انحذفت كيف أرجع أضيف شعبتي وهي تقفلت في الحذف والإضافه. .. أتمىى تساعدوني وشكرا لكم ..

وعليكم السلام ورحمة الله وبركاته

حياك اختي سوشي

ومبارك انضمامك للاسرة الانجليزية أخيررراااا الحمدلله وعقبال بقية الصبايا يارب

المفروض جدولك ينزل على ابعد تقدير بكرة الاحد يصير روحي لغرفة 119 وضيفي جدولك من عندهم وانتي واقفة حتنزلو لك ما ياخذ وقت ان شاء الله

هما يضيفو لك من عندهم الجدول فلا تقلقين حتى لو مقفلة تتوسع لك من عندهم واحتمال ما تنزل لك نفس الشعب على اساس اوقات شعبك الاساسية في الانجليزي يختارو لك شعب معينة من المواد العامة تناسبها وما تتعارض معها بالزمن والايام

الله يوفقك وتكون بداية مباركة لك بتحقيق كل احلامك :-)