||الطلاب والطالبات المستجدين في قسم اللغات الأوروبية حياكم الله وبياكم ||~

[white rose]

المشاركة الأصلية كتبت بواسطة SOUS.. اشكر ردك اخت white rose الله يبارك فيكي يارب اميييين طيب هيا ناويه ان شاء الله تمشي علي الخطة الدراسيه حقت نفس التخصص عشان ماتبا يسير معاها لخبطه وتبا تتخرج بالوقت المحدد باذن الله فتنصحينها انها تنزل المواد العامه الان بجدولها واذا تم قبولها بالاختبار تنزل باقي المواد حقت التخصص ولاتستنا ماتنزل شي لمن تطلع نتيجة القبول مع العلم انها خايفه تقفل عليها الشعب حقت المواد العامه ويسير مايبقالها غير مواد التخصص وتتورط ويكون الترم مجهد بنسبه لها وبالخطة حقت الانجلش دي المواد الي بترم التالت (الاستماع والتحدث1-القراءة1 -الكتابه1-الثقافة الاسلاميه2-مقدمه في العلوم الطبيعية-الشباب والقيم المواطنة) ايت من دي المواد ماده عامه تقدر تنزلها غير الثقافه الاسلامية 2 ؟؟

هلا اختي

والعفو الله يحييك تنورينا باي وقت

بالنسبة للتخرج الاغلب يزيدون ترم دراسي لان الخطة تجبرك تزيدين ترم والزيادة تعتبر افضل عشان المعدل يكون طيب وتطلعين بفايدة من القسم او تزيد صيفي اذا ما حبت زيادة ترم عادي

يفضل انها تنزل مواد عامة زي ما اتفضلتي الله يعطيك العافية وتقدر حتى لو اتخصصت تكمل مواد عامة وترفع معدلها وتستغل الوقت بتقوية لغتها الانجليزية

المواد العامة لو حتجمعها مع مواد التخصص يفضل انها تنزل اشياء سهلة المقدمة في العلوم خمس ابواب وفيها حسابات وكيمياء تحتاج وقت للفهم والشباب تعتبر زي ما افادو عنها سهلة لكن التحرير الكتابي اسهل منها بكثير وتقدرين تطلعين على هالموضوع راح يفيدك عنها : ·•[(تجارب الطلاب والطالبات مع المواد الإجبارية )]•·

للامانة التخصص مو سهل لازم تحط ببالها انو اغلب البنات يشيلو مواد فيه لان الاختبارات من برى الكتب ومليان تكاليف وشغل فلا تستهين فيه لازم تطور من نفسها عشان تحافظ على معدلها وما ينخسف

الله ينور بصيرتكم :-)

المشاركة الأصلية كتبت بواسطة lo0ola.h هلا اختي روز<<الله ينور دربك بالايمان. انا فعلا مشغولة"متزوجة وام "، والترم اللي فات كان عندي 5 مواد تعبت فيها كثير <<بس الحمد لله في النهاية كان معدلي التراكمي 4.85 والحمد لله انا مستواي الانجليزي جيد جدا.. وشكلي راح اسمع كلامك وانزل المواد اللي قلتي عليها.. الله يرضى عليك ويفتح عليك دنيا واخره..

أهلين اختي واياك يارب ربي يبارك فيك

الله يقويك وما شاء الله تبارك الرحمن ربي يحفظك وبإذن الله تتوفقين وتكون سبب فلاح لك في الدنيا والاخرة

واياك الله يسعدك واستخيري ربي ينور لك طريقك ونشوفك خريجة بامتياز والمعدل الكامل اللهم امييين