هنا ستكون الاخبار بعد اختبار الفيزياء ؟؟

[Bordoga]

المشاركة الأصلية كتبت بواسطة ahmed_al0lyan بس الزمن عليه تربيع

والله أنا ماحسبتها كذا

انا اعرف ان وحدة التسارع هيا الـ m/s^2

وان الزمن لازم يكون s

طبعا وجود التربيع لا يعني أنها s^2

يعني لو أعطانا الزمن في السؤال 2ثانيتين مثلا

راح نطبق في المعادلة ذي و التربيع راح يربع ال2 وتسير 4s وليس 4s^2

المشاركة الأصلية كتبت بواسطة ahmed_al0lyan والله شكلي لو جلت كمان شويه حطلع 20 غلط خليني اروح انام احسنلي يلا بااااااااااااااااااي <<< معععععععععععععععععععصب

ههههههههه الله يعوضك وثاني مرة لا تراجع

[ahmed_al0lyan]

المشاركة الأصلية كتبت بواسطة bordoga والله أنا ماحسبتها كذا انا اعرف ان وحدة التسارع هيا الـ m/s^2 وان الزمن لازم يكون s طبعا وجود التربيع لا يعني أنها s^2 يعني لو أعطانا الزمن في السؤال 2ثانيتين مثلا راح نطبق في المعادلة ذي و التربيع راح يربع ال2 وتسير 4s وليس 4s^2

انا اول شي حسبتها كدا بس سألت الدكتور وهوا اللي لخبطني وقلي تضيف الاس للسكند على طول صدقته وحليتها كدا الله يساااااااااااامحه بس

[It`s me]

سـلااااااام يا شعب...

أحلآآ إختبار في الحيآآآآآ

مرآآ عجبني لانو يراعي كل المستويات..

إيوآآ كدآ الإختبارات ولا بلاش..مو زي السمستر الاول..

نحل ونلاقي الجواب..دآآآ الحماااس بعينو..

مافش شئ صعب..بس يبالو تركيز..لاتقولو صعب..قولو يبالو تركيز..

آند الله يوفقنا في الكيومنكيشن سكلز

[Bo0oZy]

المشاركة الأصلية كتبت بواسطة II 5o5a II انا مو عارفه اضحك والا ابكي من جد ماتعبت دا السمستر قد تعبي فى الفزيكس لاني كونت حاطه ببالي اني ابغى اذاكرها كويس وافهمها ذكرت من مذكره اشرف وشويات من الكتاب لكن ربي قدر وهو يفعل مايشاء قدر انوه اتأخر عن الاختبار 20 دقيقه بسبب حادث مروري والله وانا بالسياره اطالع فى الساعه وميته قهههههههههههههههههههر تمنيت انى سوبر ويمن واروح للاختبار طيران :( الله يعوضني خير اصلا كفايه لخبطه التأخير والتوتر و و و انتو عارفين دى الاحاسيس بداءت وانا خايفه جات الدكتوره تقرى الاسئله وكلهااااااااااا الحمد لله كانت قد مرت عليا ارتحت وقتها وبداءت احل وانا فى اخر سؤال من الصفحه الاولى قالت الاستاذه باقي ربع ساعه طالعت فى الصفحه التانيه بيأس وقلت اظلل والااحل والا افكر سبت المسائل الباقيه وحليت حق شبتر 3 طبعا مراااااااااااااااااااااااا الوقت ماكفاني مرا حليت اشياء من عقلي واشياء ماركزت وانا احلها يلا الحمد لله على كل حال انا مبسوطه بس لاني ذاكرت كويسه >>مواساه / الاختبار كان سهل فى شئ بسيط من الصعوبه لكن بالنظر الى انه فيزياء ولتحضيري كان راااااائع الله يعوضني خير يا رب

الله يعينك يا خووووخا ويوفقك والحمدلله على كل حال .. فعلا ً انا لو مكانك امكن كان اتحطمت نفسيا وقعدت اسوي وافعل .. لكن فعلا ً ( اغبطك ) على تحكمك في مشاعرك في مثل هذه المواقف .. واكيد اللي حصل خير لك

واهم شي انك سالمة وما صار فيكي شي

المشاركة الأصلية كتبت بواسطة Bordoga انت تقصد ان التسارع عكس تسارع الجاذبية طبعا تسارع الجاذبية -9,8 و عكسه هو 9,8 يعني الاجابة 9,8 صح ولالا؟

اخي العزيز ,,,

احنا هنا عندنا محورين .. محور y موجب للأعلى ومحور y سالب للأسفل

الجسم يتحرك باتجاه المحور الـ y موجب ،، ولكن تسارعه باتجاه الجاذبية الأرضية ،، ( اي في حالة تباطؤ ) بس ولكن( التسارع ثابت لانو تسارع الجاذبية الارضية .. في اي مستوى وفي اي مكان =-9.8 )،،، وموجب مع سالب حيعطيك التسارع بـ - 9.8 ,, واذا نزل حيصير في اتجاه المحول y السالب .. وحيصير سالب مع سالب بموجب ،،،
واحنا هنا الجسم لسا مانزل .. فعشان كدا نقول عنه سالب ،،،

هادا فهمي لحكاية التسارع بشكل عام ،،

لكن انا بصراحة مشيت على كلام الدكتور اشرف بركات ،، قال دايما ً عوض عن التسارع في السقوط الحر بـ -9.8 ... لانو تسارع الجاذبية الارضية ،،، ويكون التغيير في اشارة المسافة والسرعة ،،

والله أعلم ،،

[Bordoga]

المشاركة الأصلية كتبت بواسطة Bo0oZy اخي العزيز ,,, احنا هنا عندنا محورين .. محور y موجب للأعلى ومحور y سالب للأسفل الجسم يتحرك باتجاه المحور الـ y موجب ،، ولكن تسارعه باتجاه الجاذبية الأرضية ،، ( اي في حالة تباطؤ ) بس ولكن( التسارع ثابت لانو تسارع الجاذبية الارضية .. في اي مستوى وفي اي مكان =-9.8 )،،، وموجب مع سالب حيعطيك التسارع بـ - 9.8 ,, واذا نزل حيصير في اتجاه المحول y السالب .. وحيصير سالب مع سالب بموجب ،،، واحنا هنا الجسم لسا مانزل .. فعشان كدا نقول عنه سالب ،،، هادا فهمي لحكاية التسارع بشكل عام ،، لكن انا بصراحة مشيت على كلام الدكتور اشرف بركات ،، قال دايما ً عوض عن التسارع في السقوط الحر بـ -9.8 ... لانو تسارع الجاذبية الارضية ،،، ويكون التغيير في اشارة المسافة والسرعة ،، والله أعلم ،،

تسلم

أنا ما اعرف شي اسمه جاذبية

بس الشيء اللي يزيد من سرعة الجسم هو تسارع

و أي شيء يبطأ الجسم فهو تباطؤ

انا مشيت على المبدأ هذا بدون ما اعرف الجاذبية

وحتى المسائل اللي في الملخصات احلها بطريقتي هذه مع العلم اني أهمل ال y

باختصار أحلها كأنها حركة على شكل خط مستقيم.. والحل يطلع صحيح

أخيرا هيا درجة وحدة ما تفرق.. وإن جاءت في الاختبار النهائي لن أغير طريقتي في الحل

[Bo0oZy]

المشاركة الأصلية كتبت بواسطة bordoga تسلم أنا ما اعرف شي اسمه جاذبية بس الشيء اللي يزيد من سرعة الجسم هو تسارع و أي شيء يبطأ الجسم فهو تباطؤ انا مشيت على المبدأ هذا بدون ما اعرف الجاذبية وحتى المسائل اللي في الملخصات احلها بطريقتي هذه مع العلم اني أهمل ال y باختصار أحلها كأنها حركة على شكل عمودي .. والحل يطلع صحيح أخيرا هيا درجة وحدة ما تفرق.. وإن جاءت في الاختبار النهائي لن أغير طريقتي في الحل

الله يسلمك حبيبي .. وترا ممكن يكون كلامي غلط لاحد ،،

انا هادا اللي فاهمو وحبيت احطو .. والله يعين ...

على قولتك هيا كلها درجة واحدة ماحنقعد نبكي عليها


وموووفق عزيزي

[Bo0oZy]

المشاركة الأصلية كتبت بواسطة reema10 سلامو الحين ايش الاجابة النهائية الصحيحة 9.8 الموجبة او السالبة؟؟؟؟؟؟؟؟

قد يكون موجب وقد يكون سالب وقد يكون الصفر ،،،

الله أعلم ،

لكل واحد اجتهاداتو الشخصية ،،،

بس انا سمعت انو في الكتاب مكتوبة دائما ً ,, سالب 9.8 ،،،

فالله أعلم ،،