مين تعرف غسول للبشرة الدهنيه ؟؟

[LeLou]

و عليكم السلام و رحمة الله و بركاته..

نيوتروجينا غير مناسب للبشرة الدهنية،، استخدمته و على قولتك ينشف و بصراحة ما ناسبني أبدًا..

أنا عمي طبيب جلدية قال لي استخدم لوريال المقشر فيه حبوب زرقاء ناسية اسمه بالتحديد،، استخدمته و مرة حلو بس فترة بسيطة..
و جربت كمان كليراسيل المقشر هو حلو،، بس بعد ما تغسلي وجهك بفترة تلقي الدهون على وجهك..
لمن سألت قالوا لي أنه دا معناه أنه الغسول كويس و يفتح المسام طالما أنه الدهون تطلع بعد ما تستخدميه..
زمان كانوا كلين آند كلير ينزلوا غسول فتاك بس وقفوه،، عن نفسي أكثر غسول ناسبني..
//

إذا تحبي الماسكات،، تقدري تسوي ماسك عبارة عن ملعقة نشا ذرة + ملعقة عسل + قطرات موية بس إلى أن يصير زي الكريم..
تحطيه على وجهك ربع ساعة تقريبًا لحد ما ينشف و تغسليه،، جربيه و ما ح تندمي إن شاء الله..
ينظف البشرة و يرطبها و يخلي ملمسها ناعم و يفتح شوية..
و ممكن بين الحين و الآخر تستعيضي عن قطرات الموية بقطرات ليمون..