تبغى تنجح وبدرجة حلوة في موازنة ومالية عامة - شاركنا وبتدعيلي بعد الامتحان

[وائل الحميدي]

المشاركة الأصلية كتبت بواسطة السـفير الحمدلله الاختبار كان مناسب والأسئلة مقاربة بشكل كبير أسئلة الاختبارات السابقة أحب اشكر mohammed a. S بحرالمشاعر وائل الحميدي وجميع الاخوان الي ساعدونا في توفير وحل الأسئلة وربي يوفقك جميعاً وفالكم a++++ الأسئلة كانت 50 سؤال صح وخطاً وكانت شاملة لجميع الفصول ولاحضت مركز على قاعدة عدم التخصيص وماجاب تعريف الموازنة انا كان نموذجي ب والصح عندي 25 والخطأ 25

اخوي جزاك الله خير انت و بحر المشاعر ولا هانو الشباب كلهم وصراحة ماتوقعت ان الاسئله بتكون كذا ولله الحمد وعلى فكره مسكت الدكتور برا قبل الاختبار وقلتله دكتور توكفا تعريف الموازنة العامة يشترط على الخمس نقاط جوابه ايماء بالراس فقط بنعم لان اللجنة قريبه منه ولا يوم دخل القاعة اقوله الاسئله كيف يا دكتور قال سهله والله سهله ويوريني النموذج من بعيد ههههههههه يعلم الله انه دكتور عسل على عسل وغير ذا كله انه مثال على الدكتور المتعاون و السلس على العموم لو اجيب 60 راضي والسبب ذا الدكتور البشوش .

وياشباب علينا ما ننسى الاهم من هذا كله ان هذا كله بتوفيق من الله وبفضله وكرمة سخرلنا الدكتور ثم الموقع الي تعاونا فيه بالخير والحمدلله اولا واخرا

وشكراَ لكم جميعا

واتمنى احد من المشرفين انه يثبت الموضوع او يحطة من ضمن الفهرسة الخاصة بالمواد على شان اخواننا الزملاء الي بعدنا يستفيدون وان يجعله الله صدقتاَ جاريه عني وعنكم جميعاَ