[ ضروري ] : أبغا أحوّل من المسار التحضيري الموازي ~

[Dr.Merve]

السلام عليكم ~
ياجماعة الخير قبل كم يوم نزلو النسب حقت القبول الى 79 وأنا جايبة 79.3
فرحت عشان اترشحت وانصدمت أنو ماكان فيه غير رغبتين إما تحضيري موازي ( علمي ) في الشرفية .
أو مسار إداري ماعرفت آيش أسوي أنااا ابغا انتظام ما ابغا اداوم في الليل مااقدر + نبا مكافأة
فما أدري آيش أسوي من جد أبغا حل أعطوني طريقة أحول فيها لإنتظام عادي الله يسعدكم :(
أحد عندو واسطة؟ أو يعرف أحد أكلمو عشان يحولني ؟ ضروري الله يسعدكم ~

[MnemoniC]

ترى مومشكلة تدرسي سنة موازي بعدين لما تتخصصي تحولي انتظام عادي بمكافأة
اهم شيء ان الواحد انقبل في الجامعة وترى ماهي اخر الدنيا لو درستي موازي.
بالنسبة للدوام اعرف واحد حول صباح الترم الثاني ،فقط غير الشعب للصباح لكن المشكلة التحويل صعب لشعب الانجليزي الا اذا عديتي المستوى الرابع
بالتوفيق

[ĴusŦĪce ♣]

يعني الموازي ليلي ذلحين ؟

[ريما القرني]

اعرف ثلاث بنات كانو موازي ويداومو معانا في نفس الكلاس وكانت وحده علمي والباقي أدبي
في فرع السليمانيه
أما الشرفية يداومو مساء
فسألي يمديكِ تحولي أو لا
وعادي كلها سنه وتحويل انتظام ان شاء الله
ومبروك على القبول

[وسام نوح]

عادي ادرسي موازي وبعدين فالتخصص انتظام :) ( أو فالتخصص موازي خخخ )

ولو الانقلش حقك ليفل 3 و 4 بأول ترم يمديكي بالترم التاني تحولي الشعب للصباح طبعا بعد ماتكلمي الدكاترة وتاخدي الموافقة ( الاغلبية يوافقو )

:)

*انا من الناس اللي حولو شعب فا متأكد انو تقدري

[Dr.Merve]

شكراً على ردودكم ~ بس أنا مشكلتي أنو بيتي بعيد جداً عن الشرفية والسلمانية اقرب لي كتييير ومرة صعب عليا كل يوم اروح الشرفية!