بخصوص التسجيل في جامعتككككم

[J0_0]

السلام عليكم ورحمة الله وبركاته..
ابغى منكم مساعدة لو سحمتوا انا سجلت ولمن وصلت عند الارفاق الهوية والشهادة والصورة ارررررفقت الهوية الوطنية والشهادة اما الصورررررة مو راضيه تتطلع اعملها ارفاق مررررا مو راضية المشكلة مكتووووووب اجباري على الجميع قصدهم احط صورتي بليز الي عندو خلفية لا يبخل عليا

[Haro]

المشاركة الأصلية كتبت بواسطة j0_0 السلام عليكم ورحمة الله وبركاته.. ابغى منكم مساعدة لو سحمتوا انا سجلت ولمن وصلت عند الارفاق الهوية والشهادة والصورة ارررررفقت الهوية الوطنية والشهادة اما الصورررررة مو راضيه تتطلع اعملها ارفاق مررررا مو راضية المشكلة مكتووووووب اجباري على الجميع قصدهم احط صورتي بليز الي عندو خلفية لا يبخل عليا

غيري المتصفح لو ما زبط الوضع اتأكدي من حجم الصوره
بالتوفيق

[مديرة اعمال]

طيب لو سمحت لما ارفقت الشهادة المعدل راح ولا باقي موجود ؟

[Roza S]

شوفي يا ستي أنا العام ما أرفقت صورتي و ما قالو لي شي ^^

اللهم طولت شويا عبال ما هما يرفقوها أو مدري ايش عملو , المهم اللي ما أرفقو صورهم هما ضبطو وضعهم ,,

* ولككككن * ما أتذككر إذا العام كان إلزامي إرفاقها أو لأ , لأني ما أفتكر إنهم كتبو إلزامي , عموما إنتي حاولي كذا مررا ألين تزبط معك و إذا ما ضبط لا تخافي إن شاء الله ما عندكك مشكلة هما يعملولك هيا ^^

و بالنسبة للشهادة والمعدل فما عندي خلفية عنهم ,,

بالتوفيق ^^

[SamuraiQ]

شوفي اختي احنا العام اللي راح ارسلوا لنا على ارفاق الصور بالليل قبل موعدد الحضور وحقيقة ما ارفقتها وجبتها لهم هناك بدون المهم

ممكن يكون من المتصفح ونصيحة مني اي تقديم او شي رسمي سويه بالأكسبلورر الفايرفوكس والكروم وكذا تنفع للتصفح لكن احيانا تسبب مشاكل في الأشياء اللي كذا وبالتوفيق :)

[حيــــــاة]

العام ماكان ارفاق الصور الزامي ،،
بس هالسنة الزامي واكمال التسجيل وزر التأكيد مابيطلع الا لو ارفقتيها ،

صغري حجم الصورة بأي برنامج ،، فوتشوب او رسام ،،
وراح تنرفع ،

موفقه : )

[Maher Al Johani]

في برنامج أسمه Photo editor online زي الفوتوشوب لكن اونلاين
http://pixlr.com/editor

------------
شرح :
1 - أختاري في البداية على زر open image from comupter
2 - ثم إختاري الصورة الي تبغي تعدلي عليها
3 - ثم في الشريط العلوي مكتوب image اضغطي عليه تنزل قائمة منسدلة
4 - اختاري منها image size
5 - تطلعلك نافذة خلي العرض "width" تقريباً 310 px وأضغطي ok
6 - ثم في الشريط العلوي مكتوب File اضغطي عليه تنزل قائمة منسدلة
7 - اختاري Save بعدين اختاري الجودة المناسبة واضغطي ok واختاري مكان حفظ الصورة

مع تحياتي ...

[مديرة اعمال]

طيب انا حطيت الفوتوشوب ذا زي م قلت وسويت كل الخطوات بس تجي صغيرة ممرا ولازم يكون حجمها 200 كيلو بايت قسم بالله شي يفقع القلب تعبت

[SamuraiQ]

اختي دحين كم ابعاد الصورة الأصلية بالبيكسل + حجمها كم؟

[Maher Al Johani]

المشاركة الأصلية كتبت بواسطة مديرة اعمال طيب انا حطيت الفوتوشوب ذا زي م قلت وسويت كل الخطوات بس تجي صغيرة ممرا ولازم يكون حجمها 200 كيلو بايت قسم بالله شي يفقع القلب تعبت

أنا أتكلم عن الصورة الشخصية يكون عرضها تقريباً 310 px
أما الشهادة يكون عرضها 700 px
والهوية خلي عرضها 450 px

والارتفاع يحدد تلقائياً من نفس البرنامج