اسئلة و اجابات ممكن تفيدك..= )

[mad math]

دوومو. كيفكم يا حلوين يا رب تماام المهم:
انا بدرس تعلم عن بعد تحضيري وخلصتها الحمد الله , لكن واجهتني وشلتي عقبات كثيييييييييييرة طلعت تساؤلات بخصوص أشياء وحبينا نستفسر فسألنا الجهات المعنية وصرفونا كالعاده هاااااااااه لكن حاولنا لين ما لقينا اجابات موثوقة من عمادة القبول و التسجيل غرفة 2..أترككم مع التساؤلات شلتي واجاباتها تذكروا ليست تساؤلات تخصني وحدي ..بل هي مجموعة تساؤلات لأفراد القروب الرااااائع .ذكرتها لعلها تلامس تساؤلاتكم يلا بسم الله نبدأ::

1- أنا طالبه حصلت على معدل عالي بتحضيري هل يحق لي ان احول للإنتظام؟ام لا علما ان معدلي عالي وأنا أدرس بنظام التعلم عن بعد .
نعم يمكنك التحويل ويوجد معدل معين للأجانب ومعدل معين للسعوديات لو جبتيه تدخلي انتظام.
2-متى يفتح التسكين واختيار التخصص للأجانب ؟
تقريبا 17/8 أي الشهر اللي احنا فيه اوك.
3- هل يمكن لو اتحولت انتظام ادرس بالسليمانية لأن الفروع الأخرى بعييييييدة وعندي مشكلة مع المواصلات؟
لا بد ان تدرسي اجباري انتظام بالفيصلية ترم لو اردتي ثم تحولي الترم التاني تحويل داخلي بين الكليات اسمه كدا ويحولوكي ع فرع السليمانية الكلام للسعوديات و الأجانب معا.
4-فرع الفيصلية لا يحوي جميع التخصصات صح ام لا ؟
يب ففرع الفيصلية فيه مسار علمي ومسار ادبي صحيح ولكن مثلا ف المسار الأدبي ما عندهم هناك كلية علوم ادارية .أممم هذي تخصصاتهم موضحة:كليه التربيه فيها (تربيه خاصه)
فقط وكليه الاداب(عربي ,انجليزي , دراسات اسلاميه , تاريخ ,جغرافيا)موفقه ان شاء الله
5- طيب انا بدرس تخصص علوم اداريه وهيا مو متوفره بالفيصليه اش اسوي؟
ارضي بأي تخصص موجود هناك وادرسيه ترم لحد ما يجيكي التحويل ع السليمانية ويحولوكي بعدين غيري التخصص هناك وادرسي علوم ادارية اهم شي معدلك يكون عالي انتبهي.
6- أوك حأختصر ع نفسي الموضوع وحأدرس ترم تعلم عن بعد بتخصص علوم ادارية لحد ما تيجي الموافقة ولو جاتني اضمن التخصص عطول ويضطروا يحولوني للسليمانيه لأن درست التخصص خلاص اش رايك؟
لا يمكنك ابدااااا وممكن تضيع عليكي فرصة الإنتظام اصلا ,لازم تدرسي باحدى التخصصات الموجودة هناك لكن لا تقولي حيراعوكي عشان ضمنتي المادة خلاص !! هذا غلططط.
7-أوووك انا حدرس تخصص أدب انجليزي . ممكن عبال ما تيجي الموافقة ع انتظامي لأنها تطول للأجانب عادة ان ادرس تعلم عن بعد ادب انجليش ولما تيجي الموافقة واحول انتظام بالفيصليه اكمل الترم الثاني هناك بتخصصي؟؟
يب يب لأن تخصصك موجود بالفيصلية اساسا فلا تشيلي هم الموضوع أوك. أول رد لطيف حقيقة
8- طيب هل يوجد اختبار ادب انجليزي قبل التخصص مع ان معدلي عالي ودرجاتي عاااالية فوق 95 ؟؟
(جااااااري البحث عن جواب في حال توفره حقلكم ...تشويــــــــــــــــــــــــــــــــــــــــــق ة ههههههههه)
9- حصلت زميلتي ع dnفي الإحصاء ولما سألت استاذتها قالتلها روحي ع القبول و التسجيل -العمادة - واسأليهم اش تسويي , طيب اش اسوي فين أسال لها ؟
روحي غرفة 18 هنا ف نفس المبنى التدقيق من هناك .رحت اسألها قفلوا الباب يمكن يفطروا ؟؟ نو كومينت
10-كم المعدل المطلوب لدراسة القانون؟
أقل شي 4 للمسار الأدبي.

وتمت بحمد الله الإجابه بمنتهى الصعوبه ع تساؤلاتنا اللي استمر السؤال عليها لعدة أيام دون ايجاد من يجيب ..ان شالله لو استجد أي سؤالات أو استفسارات حقلكم عنها ولو فيه أي سؤال أذكروه حتى نسأل لكم من هناك مباشرة =) وأتمنى أكون أفدتكم ولو بشي يسير.
هونتوني أريقاااتوووو للقراءة ولا تنسوني وشلتي من دعواتكم الحلوة ويااااارب سفرية لليابان + اتمام حفظ سورة البقرة كثروا من دي الدعوة وhappy summer

[wedyan b-a]

هههههههه شكرا لأنو في أشياء استفدت منها :*

والله يوفقكم ان شاء الله وينويلكم أضعاف ماتتمنو

[اخت المهندس]

|| وعليكم السلام ورحمه الله وبركاته "

المشاركة الأصلية كتبت بواسطة mad math -متى يفتح التسكين واختيار التخصص للأجانب ؟ تقريبا 17/8 أي الشهر اللي احنا فيه اوك.

التسكين 6/8 وظهور نتائج الفرز 17/8
|| موفقآت "

[mad math]

المشاركة الأصلية كتبت بواسطة اخت المهندس || وعليكم السلام ورحمه الله وبركاته " التسكين 6/8 وظهور نتائج الفرز 17/8 || موفقآت "

أممما زي كدا بكرا اذا الموضوع أريقاااتوووو ع التنبيه