معادلة الانجليزي !

[Believe]

السلام عليكم جميعاً
انا مستوايا في الانجلش متوسط الحمدلله ومابى ادرسو في التحضيري
فحابة استفسرايت اختباراحسن بالنسبة لمستوايا التوفل ولا الايلتس وفي الايلتس في نوعين academic و general الجامعة ايت واحد بتقبل !
وشكراً مقدماً=")

[ḞάĥάĐ ẢĥмάĐ]

إذا مستواكي متوسط في الانجلش يعني تقريبا راح تدخلي من لفل 4 أو 5 .. وراح تخلصي اللفلات في ترم واحد والترم التاني ماراح تدرسي انجلش ..
وبصراحة ماأعرف اختبار معين يخليكي تعملي سكيب للانجلش ..
نصيحتي لكي ادرسي انجلش وراح تستفيدي منو في دراستك ولنفسك أهم شي ..

[Munirah]

عقواً بس الانجليزي بس 4 مستويات ، كل مستويين في ترم ، يعني لو دخلتي من المستوى الرابع حتدرسيه في الجزء الثاني من الترم الأول ، لأنو زي ما قتلك الترم الواحد يقسموه جزئين كل جزء يدرس فيه مستوى مختلف وعلى حسب كل طالبه ، وبالنسبه لاستفسارك الرد عليه في دا الرابط من نفس المعهد http://eli.kau.edu.sa/Pages-Exemptio...ourses-ar.aspx

[Munirah]

إيوه بالنسبه إنو جنرال ولا أكادميك تقدري تستفسري من الجامعه رقمهم 6400000 وتحويلة معهد اللغة الانجليزية 27074

[MES00]

نصيحة اختبري التوفل او الايتلس وارتااحي من الانجلش~~
دوامه متعب وممل ولاتستفيدي منه ولاشي ~~

[Munirah]

أنا دخلت من ليفل 2 وكنت زعلانه لكن دحين أبداً مو ندمانه ولو 1 في الميه لأني استفدت منه مره كتيير وغير لغتي 180 درجه وكل اللي أعرفهم

[rawan.aa]

وعليكم السلام ورحمة الله وبركاته

انا اخدت الايلتس لانو سمعت انو اسهل لكن في ناس قالولي انو التوفل اسهل يمكن لان الايلتس فيلو سبيكنج بس ما ادري التوفل فيه ولا لا.
فبصراحة مدري ايش الاحسن.
واخترت كمان الacademic وقبلوه الحمد لله.
احسن تستفسري من المعهد كمان عشان لو غيرو النظام ولا عندهم شيء اضافوه.
بالتوفيق يا رب!

[Believe]

شكراا ربيي يجزاكم الف خييير
rawan.aa ممكن تقوليلي كيف كان مستواكي لمن اختبرتي ومن فين استعديتي للاختبار

[rawan.aa]

المشاركة الأصلية كتبت بواسطة believe شكراا ربيي يجزاكم الف خييير Rawan.aa ممكن تقوليلي كيف كان مستواكي لمن اختبرتي ومن فين استعديتي للاختبار

الحمد لله كان مستوايا طيب وأهلني انو اعادل الإنجليزي بس نصيحة لمن تروحي الإختبار روحي مصحصة ونامي كويس
والإختبار صراحة ما استعديت له كتير.. يعني أفتكر بس في البداية كنت أدور في قوقل كنت اشوف الكلمات جديدة بس كانت كلها يوم يومين
بعدها اشتريت كتاب من جرير مني فاكرة اسمو والله والكتاب مهو عندي دحين بس لونو اورنج وفكرته انو يدربك على اختبارات الآيلتس وتشوفي كيف اسئلتها وعموما لو رحتي جرير حتناقي كذا كتاب للايتلس
بس زي ماقلت ما استعديت مرة للاختبار حتى الكتاب ما خلصتو حليت كم سؤال منو.
بس انتي استعدي بما انو عندك وقت وبما اننا لساتنا في شعبان.

إذا عندك أسئلة لا تترددي
والله يوفقك يا رب