تجمع الطلاب للفصل الصيفي 1434هـ |2013

[see you later]

ماأقول الا حسبي الله ونعم الوكيل

قصتي بإختصار ( انا باقي لي 15 ساعة عن التخرج وابي انزلها صيفي )

مشيت من القصيم يوم الاحد العصر وصلت لمكة ولله الحمد وأديت العمرهـ وصباح يوم الاثنين من الساعه 8 صباحاً وانا عند الكلية علشان اضيف الساعات عندي فقالوا لي تضيفها من عند عمادة القبول والتسجيل .. قلنا يالله ماعليه نروح للعمادة عند مبنى 26 وبعد ماوصلت افادوا لي ان اللي يقدر يضيفها وكيل العمادة لشئون الانتساب والى الان ماحضر انتظر يمكن يحضر بعد الظهر ( وبعد ماحضر ودخلت عليه قال لازم تجيب لي مطابقة الخطة والمواد المتبقية وتسجل الساعات المسموحة لك ثم تجي ) وفعلاً خلصت اوراقي واضفت المواد المسموحة وبقى مادتين اللي هي " اقتصاديات الصحة ومادة البحث والتدريب " وقدمت طلب اضافتها خطي ودخلت عليه مره ثانيه حوالي الساعه 2.15 وعطيته الاوراق وقال مااقدر اضيف لك مادة البحث والتدريب تروح تضيفها من عند الكلية ( يادكتور عابد الكلية يقولون من عندك وانت تقول من عند الكلية ) قال مااقدر اسوي لك شئ قلت من اللي يقدر اذا انت ماتقدر ؟ المهم انه قال لي رح ضفها وبكره تجي صبر جميل والله المستعان ..

غياب عن الدوام وقررت اغيب لليوم الثاني يالله كلها علشان هالشهادة .. واليوم اروح للكلية وبكل برود يقولون نظام تسجيل المواد للمنتظمين فقط .. الانتساب بعد اسبوعين ( ياناس ارحمونا الوكيل يقول رح ضفها من عندهم وانتم تقولون مانضيفها لك الان .. )

المهم لا المعاملات الالكترونية تنفع ولامراجعتهم تنفع وتعبنا مشوار سفر رايح جاي لم نستفد منه الا العمرهـ عسى الله ان يتقبلها ..