الحجز على طيران ناس ولا الخطوط السعوديه

[نجاة نهشل]

السلام عليكم ورحمة الله
بالنسبة لطيران ناس انا جربتو كم مرة وخسرت كثير أحس أنهم ما عندهم ضمير ولا أمانة اهم شئ كيف تجئ الفلوس عنهم ما همهم خدمة المسافر ولا راحة المسافر كل حركة بفلوس
المرة الأولى رحت حجزت من وكالة في مبنى مركز المدينة وأكلت هوا كانت من جدة لدبي لجدة إحنا كنا شخصين كبار واربع أطفال ودفعنا خمسة آلاف وفوقها جينا نغير الحجز قال الي يشتغل في الوكالة ممنوع وما سافرنا وراحت علينا الفلوس
وامرة الثانية في اشترينا تذاكر إحنا نفسنا من جدة لأضنة لجدة من وكالة في مركز الجمجوم وطلبنا تذاكر سلسة جداً نقدر نغيرها وقت ما نبغا ومعانا عفش كمان المهم أعطونا التذاكر وقالوا معاكم وزن ومعاجم تغير حجز المهم جينا نغير الحجز من ناس قالو لازم ترجعوا الوكالة هذا لسا ما سافرنا رجعنا للوكالة قالوا تدفع حجز جديد قلنا لهم مو أنتو قلتو عادي تغيروا وقت ما تبغوا أو لما تبغوا تلغوا ينحط في رصيدكم وتستخدوه ثاني مرك لوسافرتوا كلوا كذب مافي عندهم سلس. ولا مسترجعة المهم تدفع من جديد ولا أنسى الموضوع وفكر في صحتك اسوا طيران شوفتو على وجه الأرض. سافرت على التركية والخليج ودبي وعدة طيران والله كلهم نحسبهم كذالك يخافون الله حتى الخوط السعودية تحترمنا ولا تقرن نهائي بناس الاستغلالية غير انه الأكل بفلوس تبلى تجلس في المقدمة تدفع خمسن ريال أبغى تجلس في الوسط النفر ثلاثين والله عرفت كيف تمص الناس مص