تجمّع طآلبآت وطلآب إدآرة الأعمال دفعة 2010 حيآكم ..

[girl.k.s.a]

المشاركة الأصلية كتبت بواسطة adnans world trade organization صدقيني أختي الفاضله أعرف أشياء عن هالمنظمه أكثر من الملخص اللي سويته والدكتور فهد تراه عضو فيها وورانا أول فلم عليها فالكلاس بس شوفي لو كنت راح أتطرق لها راح أشرحها شرح مطول جدا لأن لها مراحل وتعقيدات وخلافه أحنا لين ذكرنا أتفاقية ال gatt فالملخص بالتفصيل يعتبر أتكلمنا بشكل وافي عن هالمنظمه أعضائها هم نفسهم اللي سووا القات وصارت القات تقدري تقولي أتفاقيه من قبل هالمنظمه العالميه تجبر الدول على أتباع قوانين معينه فالتجاره فيما بينها وهي الدكتور حطها من ضمن ملف القراءات وعاد ملف القراءات فيه مئات الصفحات فراح نلحق عليها أيه ولا أيه حاولي تثبتي حفظك فالقديم شابتر 1 و 2 وتزيدي معلومات عن الشباتر اللي بعدها وراعي الاختصار وحسن الخط أنا كرفت كرف مو طبيعي وأخذت 17 ( هذي أعلى درجه عندنا ) وواحد الله وكيلك كاتب كلام من المريخ بس مزبط خطه أبن اللذين ومرتب الصفحه مسوي رسمه حق مادة الاستراتيجيه وأخذ 17 يعني راسي براسه وهو ما كتب ولا معلومه فالماده أنا ما أقولكم سووا زيه لا ممكن يدقق الدكتور فالنهائي 40 درجه ذي بس راعوا شويه الخط والترتيب لا تشمخطوا كثير وتحولوا الدكتور أنا من ناحيتي صح كتبتله كل الماده لكن خطي بأمتياز أسوء خط فالقاره ولهالسبب بس أعطاني 17 من 20 رغم أني كتبتله كل شي وأمثله تدل على أني فاهم من برى السلايدات لكن الحمدلله عالعموم حبيت أنبهكم لا تشتتوا التركيز وتزيدوا على أنفسكم بالعكس لخصوا قد ما تقدروا 4 ورقات كحد أعلى حتكتبوها فالاختبار ما أظن حيعطينا وقت نكتب أكثر من ال4 ورقات أحسن طريقه للمذاكره : خذ ورقه وقلم وأكتب كل اللي حفظته فالدوري بدايه من تعريف الماده الى أخر أتفاقية الجات بعدين أكتب أسماء الشباتر من 3 الى 10 وأكتب تحت كل واحد منها تعريفه أو أبرز حدث له أتوقع هذي الطريقه المثاليه للاختبار من ناحيتي حسوي كذا وأن زاد وقت حتفلسف وأقول للدكتور الماده فادتني فأني أتعلمت أسوي دراسة الجدوى وووو الخ التسليك والسلام موفقين ربي يسهلكم أموركم يارب .. أشوفكم بخير

ما شاء الله تبارك الله
خلاص أقتنعت ههههههههههه
وي حتى أنا كرفت وخطي جيد وورقة مرتبة وكلو وزي درجتك
شكلها هيا الحد عند د. فهد
بس حلوة الحمدلله
إيوا أنا عملت زي ما قولت وكتبت الملخص في ورقة وجالسة أعدل رسمات حسب ما أقدر
عشان ما أنسى بس الخط أبو كلب ههههههههههههههه
من أووووووووول جالسه أكتب بس حق الدوري صفحة ونص ويدي بدأت تعورني


متعودين على التست بانك مو المقالي الكرف
بس ربي يسهلها لنا ولكم وللجميع

ربي يسعدك عدنان ومعليش على القروشه

[adnans]

المشاركة الأصلية كتبت بواسطة girl.k.s.a ما شاء الله تبارك الله خلاص أقتنعت ههههههههههه وي حتى أنا كرفت وخطي جيد وورقة مرتبة وكلو وزي درجتك شكلها هيا الحد عند د. فهد بس حلوة الحمدلله إيوا أنا عملت زي ما قولت وكتبت الملخص في ورقة وجالسة أعدل رسمات حسب ما أقدر عشان ما أنسى بس الخط أبو كلب ههههههههههههههه من أووووووووول جالسه أكتب بس حق الدوري صفحة ونص ويدي بدأت تعورني متعودين على التست بانك مو المقالي الكرف بس ربي يسهلها لنا ولكم وللجميع ربي يسعدك عدنان ومعليش على القروشه

أشكرك على أقتناعك

الله يوفقك شدي حيلك أنا ما راح أذاكرها الا يوم الاثنين لسى ما سويتله البروجكت هو والهندي حبدا فيهم من بكره ان شاء الله ..
ههههههه حلوه معليش عالقروشه لا تاخذي الأمور بتكلف وقروشه الوضع أخوي وما يبغاله تكلف زايد .. أشوفك وأشوف الجميع بخير عندي رحلة صيد الساعه 3 اليل وأبغى أجهز جمع طعم مدري وش أقولها طعام ولا أطعام وأطعمه المهم فالأهم دعواتك أصيد حتى لو أبو جلمبو .. فمان الله