ترجمة شباتر الاستراتيجيه + كل ما يخص النهائي ( دفعة 10 )

[adnans]

المشاركة الأصلية كتبت بواسطة سنفورا مسسساء الخير .. امممم انا ارسلت لدكتور خالد اليوم فالصباح .. طبعا بعد مدح طويل ساالتو عن المقالي على ايش نركز بالزبط وادا راح يكون في رسمات لككن للاسف مارجع رد او طنشني شكلو .. بس ياخساره المدح والكلام الحلو الي كتبتو وربي متعوب عليه هههههههه .. المهم انا خايفه يكون زعل وعصب لاني ساالتو عن المقالي حيقول هادي طالبه مو مجتهده ومستهتره ومدري ايش.. الله يستر مايخسفني فالدرجااات كممان

مساء النور .. نصيحه لك أختي لا تقولي الا الحق ولا تجاملي أحد لو كان الملك عبدالله أبدا قولي الحق لو تشوفي الدكتور خالد تمام قوليله الله يجزاك خير أو أي كلمه وحده تمدحيه فيها مو بمبالغه وخذيها مني المبالغه ما تفيد الا الحمقى وأكيد الدكتور خالد مو منهم هو يتأخر فالرد أحيانا يوم يومين بس يرجع يرد قلتلكم الله يحفظكم لااااا تكثروا كل دكاترنا يكلموني أنهم يتضايقوا من بربرة البنات الكثيره صدق والله أتحفظ بأسمائهم لكن نقلت لكم هالمعلومه للفايده عطيه المفيد مع كلمه وحده للشكر وتكون دعا حتى مو شكر حيتجاوب معكم أما طال عمرك وباقي الخراط ذا ترى ينزل قدر المرسل وينعكس بأثر سلبي عالمستقبل .. هذي نصيحه من أخ أتمنى تتقبلوها مني .. كنت متوقع ما يرسل الأسئله لكم عالجوال لأن كل دكتور يتوقع أن مثلا دكتور ثاني حاقد عليه ويبغى يوقعه أنه يعطي الأسئله للطلاب غير كذا حتى لو أتاكد أنك طالبه هو يخاف أنك تنقلي هالموضوع عنه ويوصل الخبر للكليه ويتضرر غير كذا لو مشي الكلام كل الطلاب حيمتحنوه عالجوال ليل نهار وأمور أخرى كثيره أتوقعوا الله يخليكم أنفسكم فمكان الشخص المقابل قبل ماتطلبوا منه أي طلب .. عموما أن أرسلك الأسئله حتكون مغامره منه يشكر عليها وأن ما أرسلها وهذا المتوقع فشدي حيلك من الحين ولا تنتظري شي السلايدات قدامك ذاكريها وصدقيني حتجاوبي باذن الله شوفي اللي تجي أقسام أو رسمه فيها أقسام أحفظي عنوانها وأقسامها وحاولي تفهمي شرحها وباذن الله تفلحي .. فمان الله واسف عالاطاله ..

[سنفورا]

مشككور والله عالنصيحه ..
وانا اعرف بربره البنات الي يتكلمو عليها الدكاتره.. بس ماكترت فالمدح كل الي قلتو وكان حقيقي اني شكرتو عالكورس الرائع والمعلومات الي دايما يفيدنا فيها وانو هادي تالت مره اخد معاه و دايما اي ماده تكون نازله معاه اخدها بدون تردد وانا صادقه فدا الشي لاني تعودت على اسلوبو ومرتاحه معاه الحمد لله .. غير كده انا صحبتي عندها فنفس يوم الاستراتيجيه اختبار اداره عمليات فانا قلت للدكتور دا الشي على امل انو يحن ويساعدنا وعالعموم حتى لو ما ارسل شي هوا معذور على قولتك عشان ممكن ينتشر كلام عنو وكده .. وفالاخير دكتور خالد انسان قدير وفاضل وهدا شي محد يختلف عليه .


واصلا عدينا الي اصعب منو يعني ان شالله تتسهل وربنا يوفقنا

[adnans]

المشاركة الأصلية كتبت بواسطة سنفورا مشككور والله عالنصيحه .. وانا اعرف بربره البنات الي يتكلمو عليها الدكاتره.. بس ماكترت فالمدح كل الي قلتو وكان حقيقي اني شكرتو عالكورس الرائع والمعلومات الي دايما يفيدنا فيها وانو هادي تالت مره اخد معاه و دايما اي ماده تكون نازله معاه اخدها بدون تردد وانا صادقه فدا الشي لاني تعودت على اسلوبو ومرتاحه معاه الحمد لله .. غير كده انا صحبتي عندها فنفس يوم الاستراتيجيه اختبار اداره عمليات فانا قلت للدكتور دا الشي على امل انو يحن ويساعدنا وعالعموم حتى لو ما ارسل شي هوا معذور على قولتك عشان ممكن ينتشر كلام عنو وكده .. وفالاخير دكتور خالد انسان قدير وفاضل وهدا شي محد يختلف عليه . واصلا عدينا الي اصعب منو يعني ان شالله تتسهل وربنا يوفقنا

الله يوفقك ويفتح عليكي بكل خير لا بالعكس كلامك عين العقل وعلى راسي من فوق بس يشهد الله ما كنت أقصدك لين قلت بربره كنت أقصد دكاتره يحكوني عن قصص لهم زمان مو أقل ولا أكثر ويعلم الله من حرصي عليكم قلت هالكلام عاد الله يوفقنا وياكم لكل خير .. وأي خدمه أخوكم تحت أمركم .. بالتوفيق