استفسار للطلاب ادارة اعمال

[girl.k.s.a]

المشاركة الأصلية كتبت بواسطة طالب1414 افهم منك انه بداية التحضيري رح ادرس لغة بس هل تكون مشتركه معها مواد او لا للغة فقط وانا مستعد ان شاء الله ورح ادرس في الاجازه عندي كتب وبحفظ كلمات وبراجع كم مستوا درستي ..؟! اذا الدكتور يدرس بالانجليزي وطول وقته يتحدث انجليزي مرح نفهم الا اذا شرح عربي وشوي شوي نفهم عليه ..؟!

ايوا مواد التحضيري العلمي هي (احياء - كيمياء - فيزياء - رياضيات - إحصاء - مهارات اتصال
- حاسب آلي - انقلش مستويين في كل ترم تدرس انقلش)

معاها مواد (أول ترم خطة أ = 5 مواد مع الانقلش)
الترم التاني خطة ب = 4 مواد مع الانقلش
كلها = 9 مواد في التحضيري

حلووو ممتاااااااااز ربي يوفقك ولا تكسسسل زينا =(
ونصييييييحة طول الاجازة أتكلم انقلش ، حتى لو الناس يضحكوا عليك عاااااااادي
حتى في الأماكن العامة حاول تتكلم لو كلمتين ، لأنو لما تتكلم تنحفظ الكلمات أكتر من لما تكتبها كدا وتحفظها بدون ما تقولها لأحد تاني , وكمان ممكن أحد يساعدك ويقولك كلمات سهله

قصدك كم مستوى في المعهد والا فين ؟
إدا في المعهد للأمانة ما درست فيه شخصياً بس جهزت أموري إني أدرس وربي ما كتب =(
كتتيييييير من صحباتي درسوا فيه وما شاء الله ممتازاات في الانقلش حالياً
وكمان صحبات أختي وكمان أخو صحبتي , ناس مرا كتييييييرين يمدحوهـ

طبعا الدراسة في الجامعة حسب دكتورك زي ما قولتلك مو كلهم يجوك عرب
بعضهم أجانب وما يعرفوا ولا كلمة عربي ، يعني عشان كدا لازم تتعلم الأساسيات
ويمديك تشتري كتاب التحضيري الانقلش وتحفظ كلمات منو أفضل وتقرأ وتتدرب
+
في نام في الجامعة يقول : إنو انتا في التحضيري ما تقدر تغير شعبتك أبداً
ولا تغير المواد بكيفك في أول سنة (التحضيرية)

لكن أدعي الله إنو يجيك وآحد يعرف عربي ويكون متساهل معاكم ويساعدكم ويشرح عربي شويا
عشان تفهموا ,,

وبعضهم يجيك شكلو أجنبببببببي مرا وتكون متأكد إنو ما يعرف عربي من قوة ما هوا يهرج إنقلش
فجأة تقول كلمة ويفهم عليك هههههههههههههه عاد وقتها الله يعينك
هوا ممكن ما يتكلم لك عربي عشان تتعلم

كلو يتسهل لا تشيل هم بإذن الله =)
بس لااااااااازم تشد حيلك في التحضيري وتكون درجاتك مرا كويسه عشان تقدر تدخل اقتصاد وإدارة

ربي يوفقك