]| التدريب الصيفي أرامكو 2013 ,*| لـ اِستفساراتكم هنا|*, |[

[mr.samie]

انا ادري ان التدريب في ارامكو يصب في التخصص
لكن انت ما انتبهت لكلامي من ناحية وش نوع التدريب ووين بالضبط يصب في تخصصك
وانا رديت على الاخت ريم لما قالت نجمع شهايد وزي ما قالت حضرت مؤتمرات

المؤتمرات تفيد الطالب اللي بيقدم على الجامعة كـ معيد ويصير دكتور يكون له مشاركات اكاديمية قبل الدراسة
وزيها زي الابحاث يكون لها دور في مراكز الابحاث بالشركات

لكن مالها تأثير كبير حتى لو قالوا الدكاترة ان لها تأثير فمن ناحية انهم يبغونكم تشاركون في الفعاليات علشان تنجح

الخبرة الحقيقية هي من بعد الوظيفة زي ما ذكرت انا

انا ماني ضد الدورات التدريبية والتطوير هذي امور انا معاها لكنها ماهي موجودة في بلدي
وحتى لو كانت موجودة مالها ذيك الفايدة وجودها زي عدمها علشان كذا انا اقولكم ما تفرق تتدرب بمخبز تميس ولا بأرامكو


التدريب شغلة تسعى لها الدولة وخصصت لها ميزانية وتغصب الشركات تسويها
والشركات تحاول قد ما تقدر تدرب رغم ان مافيه نية صادقة للتدريب الميزانيات عالية لكن مافيه اهتمام
والجامعات صارت تركز ان الطالب يتدرب خلال مسيرته الجامعية وتحاول تلقاله الفرص او هو يدور
وتعال شوف من يلقى فرصة ومن ما يلقى ومنهي الشركة الجدية ومنهي اللي مشي حالك

يعني كلها امور تخلي الشركات تنظر للطالب وشهادته ومعدلة
الدليل لو جاء طالب معاه شهادات ودورات من اي جامعة سعودية وجاء طالب من جامعة الملك فهد للبترول والمعادن بشهادته

بيقبلون طالب البترول ويتركون ذاك الطالب لأن الشهادة لها تقديرها بالنسبة للشركات

وللمعلومية انا مو من طلاب البترول لكني لاحظت اهتمام الشركات بطلاب البترول وحاليا الاهتمام بيكون لطلاب البترول والابتعاث