صورة مع التحية لمقر اختبار المناطق بالثمامة (بحيرة رشوش)

[منتسـب]

اليوم الصباح سافرت إلى مقر الاختبار في مدينتي الرياض

وابشركم وصلت بحمد لله بعد المرور بطريق باتجاهـ واحد

وبنهايته وجدنا هذه البحيرة الجميلة التي هي المعلم الجمالي

والمدخل الرئيسي الوحيد لشاليهات رشوش




نسأل الله السلامة من هذا الموقع ومن الاختبارات

ووالله لو صار لأحد شئ لا قدر الله انه بذمة من أشار ووافق على مقر الامتحان

حيث أن هذا المكان مخصص للتفحيط من المراهقين بالإضافة لضيق الطريق وخطورته

[ابو بندر1]

وصلت لي صور الموقع غرقان من الامطار حسبي الله عليهم حطينا في اخر الدنيا شوي نصور مع حقين الجنادريه

الوعد ان شاء الله القاعه قسم بالله لا امسح بهم بلاط الموقع على بالهم بنسكت لهم انتهي زمن الصمت حقي راح اخذها منهم على الهواء مباشره مافيه امل يتعلمون من جامعه الملك فيصل موزعين القاعات على جنوب وشرق وغرب وشمال جامعه اكبر همها تجمع الفلوس وطز في الطلاب ما تحافظ على حقوقنا ابد حسبي الله عليهم من عالم متخلفين في كل شي شهادات بس يتفاخرون فيها بالمجالس والواقع غير قسم بالله ما جاب البلد وراء الا منهم على شكالاتهم تفكير سطحي ولا واحد فيهم عنده القدره بان يتحمل قرار كل واحد يرمي على الثاني انتهي زمن الرجال ماعاد فيه امانه العمل.

[بدر11]

اخواني فيه موضوع في قسم الادارة العامة يجب التفاعل معه وتوحيد الجهود وعدم السكوت عن هذه المهزلة

[سمو الروح]

بصراحة عني انا بسافر يوم ويوم اجازه لهذا الموقع المشؤوم بصراحة
تخيلوا بس من الشفا مشواري
حسبي الله ونعم الوكيل
احد قايل لهم ان الطلاب يبونها فله ووناسه
ياناس جايين ندرس مو ندور شاليهات ومنتجعات
شكل الجو جاز لأعضاء الجامعة من دكاتره ومراقبين
ويبون بعد انصراف الطلاب يفلون امها
بس حنا وش دخل امنا في هالوضع المأساوي بكل ماتعنيه الكلمه من معنى
يازين نظام فيصل والله بس
بتوزيع مكان الاختبارات وبطريقة الدفع
الله يصبرنا بس لين تصير كل هالامور مجرد ذكرى

[ابو هند]

يدورون الرخص الله لا يبارك فيهم

[rashed1984]

حسبي الله عليهم وعلى من اقترح هذا الاقتراح الموقع يبعد عن منزلي 62 كيلو ويبعد عن المخرج المطار وهو الملتقى لكل المتوجهين 18 كيلو ويبعد بالمدة الزمنيه 45 دقيقه والطريق سالك

اما اذا كان الجو مطر واهل الرياض سيتنزهون بالثمامه سيكون المشوار 3 الى 4 ساعات بدون مبالغه وهذا دليل موسم الامطار العام الماضي

http://www.aleqt.com/2012/11/30/article_713602.html

الموعد في اول اختبار سيجدون مني كل كلمة لاتسر خواطرهم

[الإماراتي]

http://www.alweeam.com.sa/199945/%D8...-%D9%8A%D8%B7/

[bndr7777]

الشخص المسؤول واللي له صلاحية اختيار المكان له نسبة حلوة من المبلغ اكيد
بزنس ياحبيبي ..
الحمدالله اني بطلع لجده ..