إش سويتوا في معمل الإنجليزي...أدخلوا الله لا يهينكم..

[الإعصار الأحمر]

المشاركة الأصلية كتبت بواسطة قاهر المتكبرين والله هدا اللي بيحصل في موضوع اللاب مهزلة حقيقية بكل المقاييس .. في أول أسبوع من الدراسة سجلت اسمي في معمل من الساعة 10 للساعة 11 يوم السبت والاثنين .. رحت قالوا لي القائمة هذيك اتلغت لأنه في ناس سجلوا اسمهم في أكثر من قائمة فصارت لخبطة .. ورحنا فيها احنا وراحت مواعيدنا بدون ذنب .. فقط لأن بعض معدومي المسؤولية كتبوا اسمهم أكثر من مرة (لضمان المقعد .. ابتسم أنت في السعودية) رحنا قلنا أمري لله .. أخليها من 3 إلى 4 بعد نهاية دوامي الرسمي على الرغم من أن الواحد في هذا الوقت بالذات نفسه ومنى عينه يختفي ويطلع في بيته من القرف والتعب .. رحت قالوا فل!! في ناس جو فبلك واحتلوا المقاعد .. مع أني قبلها بفترة كاااتب اسمي في القائمة اللعينة .. من جد عييييب ووصمة عار على التنظيم في جامعتنا العريقة .. مرررة مو معقول اللي حصل في موضوع اللاب هذا بالذات ..

حكاية انو في واحد سجل اسمو مرتين دي المفترض ماتسير لأنو التسجيللا كان عند دكتارة المادة وتسجل قدامهم

بس الحل الأمثل يسير التسجيل الكتروني من الأودوس
وبكدا تكون نسبة الخطأ 0% ومايسير زحمة ولا شيء لأنو اول ما تتعبى ساعة تنقفل

وعلى فكرة انا مسجل من 10 -11 السبت والأحد
دا الأسبوع جيت الساعة 10 كانت المعامل فاضية بعدها ب5 دقايق او اكثر اتملت كلها وفي ناس ماحصلت مقاعد

ما اتوقع انته جيت الساعة 10 بالتمام