تجارب طلاب وطالبات قسم اللغات الاوروبية(انتظام) مع الإبتعاث (نرجو المشاركة)

[Super Linux]

وعليكم السلام ورحمة الله وبركاته

انتظرو تجربتي السنه الجايه لاني انقبلت هالسنه

ياأخت استغفر الله اذا انقبلتي الدكتور محمد يعطيك قروب البنات الي راحو العام تتواصلي معاهم ويقولون لك تجاربهم وكل شي مره يساعدوك

بالنسبه لي ماني شايل هم كل الي طلعو السنه الي فاتت اصحابي ودايم معاهم ع السكايب

انا مبسوط بالقبول بس خايف من المعادله :( تخيلي يعادلو 10 ساعات يمين قهرررررر

وانا خريج يعني باقي لي بعد الصيفي ترم فقط والله حيره

لو حيعادلو لي 21 ساعه ارجع متخرج من جد حماس

اما 10 ولا 15 قويه :(

يلا الحمد لله على كل حال نطلع نطور لغتنا ونغير جو .. الواحد حيسير معلم لغه انجليزيه فلازم يكون متمكن من اللغه 100% اعتقد ان البعثه راح تطور لغتنا بشكل مو طبيعي :)

نحتسب الساعات الي حتطير علينا لوجه الله عشان الطلاب الي راح ندرسهم مانظلمهم بضعف لغتنا

طبعا اليوم شفت الاسماء ف شاشة اعلانات القسم شالو 7 طلاب فقط وانا المركز الرابع ههههه ماتوقعت اني دافور لدي الدرجه


بس ف النهايه فرصه حلوه وماتتعوض البعثه راح تغير حياتك علميا وفكريا ان شاء الله ..

تطوير اللغه + الاعتماد ع النفس + الوناسه لان حسب كلام اصحابي يقولو مره عالم ثاني قالو بغض النظر عن الدراسه الحياه حلوه ف بريطانيا + فرااااااااغ تقدر تطور فيه نفسك

وهذه احلى ميزه بالنسبه ليا لانو وربي يااني مشغول هنا يادوب اذاكر الصباح الجامعه من الظهر الين العصر اسهم من العصر الين المغرب مذاكره او قرائة قصص من بعد المغرب الين الساعه 9 مشاوير الاهل :(

حرسل رابط الموضوع لأصحابي المبتعثين يقولو تجاربها عساهم بس يكتبوها اعرفهم مو راعين منتديات



اسئل الله لي ولكم التوفيق