المواد التكملية ومواعيدها...!!

[vip_temaa]

مشكور اخوي م.عمر على الرد وشاكر لك حسن تعاونك
اناا عرفت انها ثلاث مواد تكميلية وتدرس كلها في الصباح طيب المفروض يفتحوا مجموعات في الليل لطلاب الماجستير مو يحطمونا كذا بس صعب علي في الصباح مع الدوام لو انه محاضره وحده في الاسبوع كان مقدور عليها بس تقريبا طول الاسبوع محاضرات وكمان معمل مرررررررره صعبه
بالنسبة لتخصصي هو هندسة اتصالات والكترونيات من كلية الهندسة بجامعه الملك عبدالعزيز والله فكرت اكمل فيه بس ابغى تخصص ثاني يساعدني ويكون داعم لشهادة البكالوريوس
وبالنسبة للاداره ياخي صعبه تاخذ شهادة بكالوريوس من الهندسة وبعدين تجي تاخذ ماجستير ادارة واقتصاد وكمان المواد بالعربي كأنك ماسويت شي لو أنها بالانجليزي كان حلو بس عربي مررررررررررره ماتستاهل
بالنسبة للماجستير هو تحصيل حاصل عندي مو شي مهم بس اطمح له والترقيه راح تمشي بماجستير والا بدون بس الواحد يحب يحصل شهادات اعلى لانه كل ماهو الحياة تتعقد والواحد مايدري مستقبلا اش يصير يمكن بنفتح للواحد رزق من الماجستير
طيب حتى لو كملت بنفس تخصصي وبعدين اش راح احصل وما افكر اكمل دكتوراه مستحيل مادري ليه مي براسي الدكتوراه انا اللي بنظري يمكن صح والا خطأ استفيد من تكملة نفس التخصص لو اني اكاديمي او راح اشتغل بالجامعه بس بشغلي ماارح يفيدني كثيييييييييييييييييييييييييييير
ولك مني أجمل تحية