طالبات السليمانية مساعده بخصوص المباني

[S.Alghamdi]

السلام عليكم ورحمة الله وبركاته

صباحكم ورد ..

إذا سمحتوا حابه أعرف مكان مبنى 3

لأنو أنا من مكة وما أعرف في جامعة جدة شي نهائي ,,

ووقت اختبار الماجستير رحنا أنا وصاحبتي وحسنا حوووسه لها أول ومالها آخر ويمكن خلصنا ساعه وإحنا ندور على المبنى إلي نبغاه ..

المهم

زي مو نازل في موقع الجامعة

موقع مطابقة الأوراق :

مبنى 3 - الدور الأول - صالة القبول 327

أي بوابه ( كم رقمها ) أقرب للمبنى هذا

وتسوي خير إلي تقول لي كيف أوصل لها بالسيارة من أدخل البوابة لين المبنى

وجزاكن الله خيراً مقدماً

بس بدون توقعات الله يسعدكم أبغى الأكيد

والأقرب لي وأنا جاية من طريق مكة

..

[لمعة الألماسة]

اهلين

ادخلي من بوابة غربية واحد

والمبنى مره قريب من البوابة ادخلي واسألي موظفة الامن تدلك

بالتوفيق

[S.Alghamdi]

تسسلمي ربي يسعدك

طيب والبوابة الخارجية إلي ندخلها بالسيارة كم رقمها إلي تكون أقرب للغربية 1

حعقدك معليش هههههههههههه

[لمعة الألماسة]

البوابات الخارجية مالها ارقام بس ادخلي

من اي بوابة وسألي الامن الرجال

وبعدين ترى غربية واحد او اثنين كلها قريبة للمبنى لا تخافي

[ريم علي]

السلام عليكم..
أنا كمان أتلخبط في المباني بس كنت أمشي واسأل..
شوفي المشاركة الثانية هنا الخريطة مفيدة مرة:
http://www.skaau.com/vb/showthread.php?t=677733
وانتبهي عالملاحظة المكتوبة فوق الصورة..
بالنسبة للدخول أذكر الغربية بس مدري أي وحدة..
أختي لمعة الألماسة الخريطة نبدل 1 و 2 بس صح؟؟

[لمعة الألماسة]

ايوة اختي اتبدلت اسماء البوابات الي بالخريطة واحد سارت 2 والعكس

انتي ادخلي من غربية اثنين تقريبا اقرب بوابة ( الي مكتوبة بالخريطة واحد )

[ريم علي]

شكراً لك..

[الداهيه]

خذي الكلام مني
وانتي ماشيه بالسياره من جمب الجامعة عدي بوابة 7 ويجيك مفرق خذي يمين وامشي لين تلقين بوابه على يدك اليمن مالها ارقام خشي منها وامشي طوالي البوابه قدام عينك
لما تدخلي الجامعة توجهي يمين بعدين يمين تكونين عند مبنى عمادة التسجيل والقبول
مبنى 3 مقابله بالزبط فيه درج طوارى
مجرد تدخلينه توجهي لسنتر المبنى واسالي عن رقم القاعه


هذا وصف دقيق جداً مايضيع
ادعيلي يقبلوني الترم الثاني ماجستير
وبالتوفيق لك

[ephidra]

اب.........................

[S.Alghamdi]

لمعة الألماسه , ريم , الداهية

مشكورين وربي يعطيكم الف عافية

الداهية الله يبلغك الي في خاطرك