قصه نجاح,,,شخص فااااشل

[3zzouzz]

المشاركة الأصلية كتبت بواسطة د.هوازن صدقني الاب والام لو يدرو انو ادا ماتدخلو فحياه ولدهم حيكون افضل له صدقني حيتركوك تاخد راااحتك لانهم يتمنو لولدهم اعلى مراتب النجاح ... لاكن ايش الفايده اذا تركوك و فالاخير ضيعت نفسك او ماعرفت مصلحه نفسك او كنت مهمل او انو فكرك انو اي تخصص ادخلو عاادي اهم شي اني حكمل فالجامعه وانو حالك احسن من غيرك العاطلين ومع مرور السنين وقبل التخرج تقول والله كان بالامكان احسن مما انا عليه كنت اقدر اقطع نفسي دراسه واتخصص فاحسن الكليات ,,او وقت الوظيفه تقول لو انو اهلي شدو عليا( صح ينغصو عيشتي) لكن ع الاقل كان حالي افضل الان..... انتا جرب تدرس فمكان مايكونو امك وابوك فيه فجامعه غير مدينتك او فرع صدقني حتحس بفرق كبير وحتقول لو اني بين اهلي الحين كان نفسيتي مرتاحه واذاكر وانا مطمن ودرجاتي فووق,,, في دعم مادي وونفسي ودعوات تسمع ف الروحه للجامعه الله يوفقك وتسمع فالجيه الله يعطيك العافيه نفسيتك مرتاحه ومو ناقصك الا تذاكر صدقني الاهل من اقوى عوامل النجاح يعينوك بشتى الطرق وجميع الوسائل انتا تقول اهلي ضغط عليا و قلق .... لو شافوك بتدرس وبتذاكر صدقني ماحتلاقي الا دعاوي تبرد القلب وفوقها مكافات على التعب ,,,وحتى لا قدر الله ماتوفقت ماحيصخطو عليك لانهم شافو الجد والاجتهاد ولاكن الله اراد,, اما انك تقول اهلي قلق اعرف نفسك انك تبي ترتاح شوي عن الجد والتعب اعرف نفسك انك تبي تاخذ قسط رااااحه طوييل تمر 4 و 5 ايام ونتا مافتحت كتاب او ملزمه وبدون ماحد يسالك ,,يمكن تقول انا ادرى بنفسي انا اذاكر قبل الاختبار بفتره واجيب درجات عاليه هادي يمكن تجدي نفعا اوقات ولاكنها ناادرره (اصلا دي سمات الطالب اللي يدور نجاح على ورق ! فقط) لاكن بكره حيتفاجا انو علمه وخبرته قليله اللي هيا اساس وظيفته ماحيكمل نجاح اصلن يدوب هوا وصل وكويس عليه مكانو وصدقني من النوادر اللي يشدو حيلهم ومايلاقو ثمره التعب قدام عينهم (من جد وجد) ,,(لكل مجتهد نصيب ),, الله يراك انك تستغفر له طالبا المغفره فيغفر لك ,, الله يراك انك تجتهد وتتعب لتنجح فقط ادعيه على العون وتوكل عليه وسيعطيك (ان الله لايضيع اجر من احسن عملا) ,,ماعند الله لا يطلب الا بطاعته وتذكر ان الدعاء يرد القدر ....وتذكر قصة امرأة عقيم مع نبينا موسى الكليم عليه السلام جاءت امرأة الى سيدنا موسى عليه السلام (كليم الله) وقالت له: يا نبي الله ادعو لي ربك ان يرزقني بولد صالح يفرح قلبي فدعا سيدنا موسى عليه السلام ربه ان يرزق تلك المرأة طفلا فاجابه الله عز وجل:اني كتبتها عقيم فقال سيدنا موسى عليه السلام يقول الله عز وجل:اني كتبتها عقيم فذهبت المرأة وعادت بعد سنة فقالت يانبي الله ادعو ربك ان يرزقني بطفل صالح مرة اخرى دعا سيدنا موسى عليه السلام ربه ان يرزقها بولد فقال له عز وجل:اني كتبتها عقيم فقال لها نبي الله موسى عليه السلام:يقول الله عز وجل اني كتبتها عقيم وبعد سنة رأى سيدنا موسى عليه السلام تلك المرأة وهية تحمل طفل في ذراعيها فقال لها:من هذا الطفل .. قالت:هو ابني فكلم سيدنا موسى عليه السلام ربه وقال له كيف يكون لهذه المرأة طفل وانت كتبتها عقيم فقال له تعالى:كلما قلت عقيم هي تقول رحيم فطغت رحمتي على قدرتي معليش يمكن تحمست شويا وطولت وقلبتها نصيحه وخرجت عن موضوع الرد لاكن موضوع الدعاء ياثر فيا ,, لعلي انفع وافيد حتى ولو شخص واحد يقرا من بعدي ختاما ،، تذكرو هذه المقوله "يحكى ان حلما جميلا تحقق بالدعاء"

فقط للمعلومية :
انا من مكة ، وانتقلت لجدة مع بداية هذه السنة ( التحضيرية )
وما سرت ارجع البيت الا نهاية الاسبوع فقط , النتيجة :
- نفسية مرتاحة بدون ضغوط او قلق
- معدل 5 من 5 في الترم الاول ، ولا فخر والله ولا اقصد المباهاة وما كنت
حاب اذكر هذه المعلومة لكن هذا من آثار الانفراد بنفسي والبعد عن الاهل

ربما هي طبيعة الاهل تختلف ، اهلي الحمد لله فيهم من الصفات الحسنة الكثير
ولكن لو اراد اي شخص فينا ان يكون ( نزار باهبري ) الجديد فلازم يبعد عن اهله
ويشتغل ( على رواقة ) , غير كذا اهلا بالضغط والقروشة ولو في امكانية
انك تخلص الطب في 5 سنين كان ضغطوك وقالوا لك " خلص " ...
ما في مجال للاخطاء مع الاهل ، محد حيتحمل فشلك خاصة اذا تعب معاك
وقدم لك الغالي والنفيس !!