ارجوا وآمل المساعده قراري المصيري

[فالك التخرج]

السلام عليكم جميعاً واسعد الله مساكم ..
انا خريج الكلية التقنية دبلوم تخصص محاسبة ثم بعد ذلك حصلت على شهادة البكالوريوس تخصص ادارة عامة ((انتساب)) واعمل حالياً موظف حكومي على وظيفة أمين صندوق حوالي سبع سنوات وحالياً رقيت للمرتبة السابعة عمري 33 سنة.
المهم ارغب التغيير في المستقبل للقطاع الخاص بهدف تحسين الوضع الوظيفي والمادي بالتحديد وبناء عليه قررت الدراسة بالخارج وتحديداً امريكا بحكم مرافقتي لزوجتي المبتعثه من جامعة الاميرة نورة.
اتمنى تعطوني رايكم بكل مصداقيه عندي الان فرصه ما اعتقد تتكرر بالنسبة لي اذا اراد الله سأبقى في امريكا خمس سنوات وحاب تأسيس وبناء نفسي من جديد فأنا أجد نفسي قريب من التخصصات المالية والقانونية واعتقد انها من افضل التخصصات اجراً ولإقبال البنوك وشركات التأمين ومعظم القطاعات بلا استثناء على توظيف خريجي هذين المجالين سيقع اختياري انشاء المولى على احدهما.
واهم شي عندي ارجع بشي يسوى التعب وفرصة الانطلاقة تكون اكبر اعتقد لو درسة ماستر قانوني او مالي وانا الان خريج دبلوم محاسبه وايضاً بكالوريوس اداره عامه ((انتساب)) راح يكون فيه اختلاف بين التخصصات فالذي يدور في مخيلتي الان ادرس بكالوريوس مالي او حقوقي واخلي الماستر لاحقاً وفي الغالب راح احاول اعادل دبلوم المحاسبة واكمل بكالوريوس محاسبه او ماليه .. وش الراي ماستر او بكالوريوس وجزاكم الله خير الجزاء.

[طموحه بشغف]

وعليكم السلام ورحمة الله وبركاته
بخصوص موضوعك اولا: الاستخاره قبل الاقدام على اي شي وبعدها توكل على الله عز وجل.
ثانيا: من واقع خبرتي ودراستي بالخارج افيدك بان لديك خيارات عديده متاحه
1- اذا اردت اكمال الماجستير بنفس تخصص البكالوريوس سوف يتم التركيز على ( المعدل، ودرجة اللغة، فهي تلعب دور كبير بمسالة القبول ). ولهم شروط اخرى بالقبول اذا احتاج الامر الى تدرس مواد تكاميليه .
2- اذا اردت اعادة الباكالوريوس انصحك باختيار برنامج اسمه دبل ميجر يعنى تدرس تخصصين بنفس 4 سنين لما تتخرج يكون عندك شهادتين وتتيح لك الخيارات في اكمال الماجستير مثل ( يكون عندك بالكالوريوس تسويق ، ومحاسبه تحت مسمي ادارة اعمال ) . يعني مسارين لتخصص عام .
تمنياتي لك بالتوفيق .

[فالك التخرج]

جزاك الله خير اختي شغف اضافه مهمه ومانستغني عن بقية الزملاء والزميلات بالمشوره

[فالك التخرج]

عفواً طموحه بشغف

[T@RIQ]

وعليكم السلام ورحمة الله وبركاته

هلا اخوي، اسمحلي اخذ راحتي معاك بالنقاش.

اولا لازم نرتب الامور عشان تكون واضحه ليه ولك، وبإذن الله بعد كذا راح يسهل الاختيار.

انت عندك خيارين تفكر فيها الوظيفة الحكومية او وظيفة بالقطاع الخاص واش هيا التخصصات المناسبة لها.

في الاول نبدء من وضعك الراهن، انت على وظيفة حكومية بالمرتبة السابعة ما شاء الله تبارك الله، وهذا شي طيب وحلو بالوقت الحاضر بسبب قلة الوظائف الحكومية.
وبالنسبة للشهادة معاك بكالوريوس ادارة عامة وهو مناسب لهذه الوظيفة، لكن انت لك حق مشروع وهو بحثك عن الافضل، طيب في حالة كملت على نفس وظيفتك معناته الافضل بالنسبة لك انك تكمل الماستر بنفس تخصصك واذا كفى الوقت معاك تقدر تأخذ الدكتوراه حتى لو تتأخر بعد زوجتك سنه ان شاء الله مو مشكلة ممكن ترتبها مع جهة عملك وتثبت انك ماشي بالدكتوراة ومابقيلك كثير ويمشي الحال ان شاء الله، اهم شي تكون لغتك الانجليزية طيبة عشان ما تطول بدراسة المعهد، واذا كانت انجليزيتك ممتازة من الان خذ التوفل واطلع جاهز عشان تبدء الماستر مباشرة بإذن الله، او تكمل الدكتوراة بنظام المراسلة من هنا وانت اصلا وقتها راح تكون مشيت خطوة كبيرة ان شاء الله.

اما اذا رجعت بالماستر فقط حتترقى ان شاء الله للمرتبة الثامنة، ومع بقية شهاداتك وخبرتك واتقانك اللغة الانجليزية بإذن الله ما راح تطول على الثامنة وحتكون ترقيتك سريعه ما شاء الله تبارك الله، واذا قدرت تجيب الدكتوراة كمان هذي لها وضع اخر بإذن الله.
اما اخذ بكالوريوس اخر والاكمال بالوظيفة الحكومية ماراح يفيدك كثير والله اعلم.

طيب الان بخصوص التوجه الاخر القطاع الخاص، شوف انك تبدء من الصفر هذي العملية مرهقة انا اشوفها كذا انت حر برأيك، وخصوصا انك اخرتها حتجي ببكالوريوس يعني عندك زيه الفرق بالتخصص فقط، اما اذا عادلت شهادة الكلية التقنية وكانت المعادلة عادلة بمعنى انك حترتاح مثلا من نصف المده وتتعادل لك باربعة اترام او على الاقل ثلاثة هنا ممكن اشجعك اذا كان لك رغبة بالقطاع الخاص، ولكن هذا الشيء اشك فيه ما ابغى احطمك لكن هنا جامعة الملك عبد العزيز تعادل التقنية بترم واحد او ترمين والله ناسي المهم واحد من الاثنين فما بالك بالخارج ربما يكون اصلا غير معترف فيه بالنسبه لهم، ربما انا ما ابغى احطمك اسأل وتأكد، ولكن اذا كانت المعادلة جيده يمكنك ايضا ان تكمل الماستر بالخارج، وبكذا ان شاء الله ترجع بالماجستير وهذا يعتبر شي جيد لانه فعلا انت انتقلت من مستوى الى مستوى اخر بشهادة الماجستير.
لكن في هذه الحالة لا تنسى انك لما حترجع سواء بكالوريوس او ماجستير انك راح تبدء بالبحث عن وظيفة في القطاع الخاص والله العالم عن الراتب الي راح يعطونك اياه.

يعني بصراحه انا افضل الخيار الاول المخاطرة اقل والربح بإذن الله مضمون وزي مايقولوا عصفور باليد.

في حالتين فقط واحده فقط ادعمك بقرار البدء ببكالوريوس جديد،
الاولى انك ما تكتفي بشهادة البكالوريوس، يعني مثلا انت درست محاسبة ممكن تكمل بكالوريوس محاسبة وتحصل على شهادة محاسب قانوني من امريكا، اكيد بما انك درست محاسبة تعرف قيمة هذي الشهادة، وغيرها على حسب تخصص البكالوريوس الي راح تكمل فيه خصوصا التخصصات المالية والقانونية لديها شهادات عالمية قوية بعد البكالوريوس ومعضمها لن تأخذ منك حتى سنة واحدة ان شاء الله لأخذها وتكون اقوى من شهادة الماستر ايضا.

الثانية انك تكون مقرر بدء عمل خاص، فتح مكتب مثلا للاستشارات القانونية او فتح مكتب للمحاسبة القانونية وغيرها، المهم ان تتأكد من جلبك للشهادات الازمة لذلك.

اخيرا سامحني على الاطالة لكن موضوعك فعلا معقد وان شاء الله اني ما أكون نسيت شيء، هذا رأيي انا والله اعلم وإن اصبت فمن الله وإن اخطأت فمن نفسي والشيطان، وتأكد اخي ان الخيره فيما يختاره الله عز وجل لك فهو علام الغيوب، ولذلك انصحك بالاستخارة فهي مفتاح النجاح.

بالتوفيق ان شاء الله، وأسأل الله ان ييسر لك ماهو خير لك ولجميع المسلمين بإذنه عز وجل.

دعواتك الصادقة في ظهر الغيب لي ولجميع المسلمين، اخوك طارق.



ملاحظة اخيرة ، إن شاء الله او إن شاء المولى تكتب هكذا، وليست انشاء

[فالك التخرج]

بارك الله فيك اخي طارق ماقصرت كفيت ووفيت وفي الواقع انا هدفي اترك الوظيفه الحكوميه واتحول للقطاع الخاص حتى لو كان المقابل المادي في البدايه مثل الحكومه لكن فرصة الانطلاقه تكون اكبروانا انسان أأمن بالتخصص .. بكالريوس الاداره ودبلوم المحاسبه ماراح يأهلني لشي قوي لان باختصار الدبلوم معلوماته تلاشت والبكالريوس اداره وانتساب يعني صعب ابني عليه ماستر قوي زي محاسبه او استثمار او قانون حقيقه هدفي ابعد من مرتبه 8 او حتى العاشره لان المقابل طفايس الشاهد انا ودي احد يعزم بي على موضوع المعادله وشهادة المحاسب القانوني من امريكا بعد كذا اكون عندي لغه يسهل موضوع الماستر حتى لو ماقدرت عليه ارجع السعوديه بعدين انقز بريطانيا اخذه في 11 شهر وبالمناسبه انا خريج جامعة الملك عبدالعزيز ورفضوا يعادلون لي حتى ساعه وحده تحياتي لك وما استغني عنك اذا باقي فيه شي ببالك..

[T@RIQ]

هلا اخوي ،،

اولا ما تعرفنا ،، معاك اخوك طارق الحربي

شوف يا خوي يبدو لي من ردك الاخير والله اعلم، انك ناوي ومقرر على القطاع الخاص وخالصه امورك، وليس كما ذكرت بالموضوع انك محتار بين الوظيفتين، لكن سبب رغبتك بالاستشاره وأخذ الاراء مرتبط بمعرفتك حجم المخاطره المترتبة على قرارك.

شوف مشكلتك ياخوي ان رغبتك بالقطاع الخاص اعمتك عن بعض النقاط ،
يعني انت قاعد تنظر للقطاع الخاص كنظره مستقبليه وبعيدة ومفروشه بالورود، اما نظرتك للقطاع الحكومي لا تتعدى مرحلة قدومك بالشهادة ان شاء الله.

وبكذا تقييمك للموضوع مستحيل يكون عادل ، اقولك ليش :
انت تفكر لو جبت الماستر بالادارة او الدكتوراة ، حيعطونك الثامنه، العاشرة مثلا ، طيب ليه ماتعدت نظرتك الى ابعد من ذلك،
طيب انت تعرف انه تخصص ادارة عامة من افضل التخصصات المناسبة للوظائف الحكومية وخصوصا وظيفة مدير، وجلب الماستر بهذا التخصص يرشحك على الاقل لإدارة قسم اذ لم يكن مدير إدارة، فضلا عن لو استطعت بإذن الله جلب الدكتوراة وحتى ولو بنظام المراسلة.

على الاقل ستكون ثبت اقدامك في جهة عملك، وحصلت على الوظيفة المناسبة لمؤهلاتك، اي نعم الثامنة او العاشرة ليست هي اخر طموحاتك، ولكن يمكنك عندها بإذن الله التدرج مرحلة تلو الاخرى.
وشهادة الماستر او الدكتوراة تمكنك بإذن الله من الحصول على وظيفة مناسبة بغض النظر عن مرتبتها، ولكن هذه الوظيفة ستكون الانطلاقة بالنسبة لك للترقي في المناصب الادارية من مشرف الى مدير قسم الى مدير ادارة وهكذا الى ان تصل بإذن الله الى قمة المناصب في جهة عملك.
هي المشكلة الان انه معاك شهادة بكالوريوس، وهذه الشهادة تجعل من الصعب عليك تخطي زملائك والاتقال الى مرحلة اعلى، ولكن بإذن الله الماستر والدكتوراة ستفتح لك هذا المجال، مجال الانطلاق نحو اعلى المناصب الادارية، انا لا أعلم عن ظروف جهة عملك، ولكن انت يمكنك الحكم بالنظر الى اصحاب المناصب العليا ما شاء الله، انظر الى مراتبهم ووضعهم وتخيل نفسك على نفس مناصبهم وقيم نفسك هل ترى بأن هذه الوظائف تلبي طموحاتك ام انها مازالت اقل من ماتصبوا اليه.

اما اذا كانت غير مناسبه هنا يمكنك النظر الى القطاع الخاص وفي هذه الحالة فقط انا معك، لان اكثر ماتستطيع الوظيفة الحكومية اعطائه لك لا يلبي طموحك.

في هذه الحالة فكر بالقطاع الخاص وتذكر الاشياء التالية،
1- عند عودتك بإذن الله ستكون بعمر 38 وبشهادة بكالوريوس اي بنفس وضعك الان ولكن بزيادة 5 سنوات، ولكن اختلف التوجه فقط من قطاع حكومي الى خاص.
2- ايضا موضوع معادلة الكلية التقنية، ربما لا يكون كما تتمنى ، ولكن في هذا المجال انصحك بأن تسأل وافضل شيء انك تسأل نفس الجامعة التي ستدرس فيها ان شاء الله، ولم لا تقدم لهم كلتا الشهادتين البكاوريوس والكلية التقنية وتنظر ما هي المعادلة التي ستخرج معهم للتخصص الذي ترغب بالاقدام عليه، وهنا يمكنك مراجعة الجامعة بنفسك ان شاء الله اثناء دراستك بمعهد اللغة الانجليزية.
2- اذا كنت تعتقد بأن طريقك في القطاع الخاص سيكون مفروشا بالورود فأنت مخطى، اي نعم توفيق الله عز وجل فوق كل شيء، ولكن تذكر انك ستبدء في البحث عن وظيفة وهذه لوحدها معاناه، بعدها يبدء موضوع الراتب والله اعلم كم حيعطيك القطاع الخاص، بعدها ستجد نفسك انك تملك شهادة البكالوريوس فقط اي لا تختلف عن زملائك الذين يعملون معك، وبذلك لن تستطيع بسهولة تخطيهم والانتقال الى وضع اعلى.

المهم اخي انت احسبها وشوف ايش الي يخارجك، اذا رأيت انك مقتنع بالقطاع الخاص ولديك الاستعداد في البدء بانطلاقة جديدة من الصفر في هذا القطاع وبعمر 38 ، وتذكر بأنه يكون لديك الاستعداد ايضا بعدم الاكتفاء بشهادة البكالوريوس، توكل على الله وأسأل الله ان ييسر امرك.

ولا تنسى اخي الاستخارة، فهي مفتاح النجاح، وانا لم اقصد تحطيمك فأنا اعلم مشروعية احلامك، ولكن يهمني ان تكون مدرك لحجم القرار الذي ستقبل عليه بإذن الله، وايضا يبدو لي بأن اتخاذ القرار من الان صعب لانه لا تتوفر لدينا المعلومات الكافية، من حيث معادلة الشهادات وايضا التخصصات المتوفرة بالجامعة التي ستدرس بها وهكذا، ولذلك ان شاء الله بمجرد دخول معهد اللغة والبدء بمراجعة الجامعة والحصول على المعادلة، هنا بإذن الله ستتضح الصورة اكثر، وستكون اكثر قدرة على اتخاذ القرار.

هذا ما عندي والله اعلم، والله يوفقك ان شاء الله وجميع المسلمين.

[soo0oo]

القطاع الخاص مافيه اماان وظيفي وقت دوامه طويل انصحك تبقى بالحكوومي

[فالك التخرج]

الله يبقيك اخوي طارق زميلك فهد الازدي
اسعد الله مساك يمكن ياغالي ما اتضحت لك الصورة باختصار الخلاف عندي ماهو اني ابقى في الحكومة او انتقل للقطاع الخاص لان راح اتخذ قرار نوع الدراسة ونوع التخصص على اساس انتقالي .. الخلاف أولاً : هل ادرس ماستر مالي هذا اذا احد وافق من جامعات امريكا طبعا بناء على شهادة بكالريوس الاداره ((انتساب)) ويدعمه دبلوم المحاسبة حق التقنية .
ثانياً : او اعادل دبلوم المحاسبه واكمل بكالريوس تخصص مالي وبعد كذا يسهل موضوع ماستر المحاسبه اكون اكتسبت لغه يجي في سنه اذا اراد الله.
وانت اخي طارق حطيت يدك على الجرح
(((وقيم نفسك هل ترى بأن هذه الوظائف تلبي طموحاتك ام انها مازالت اقل من ماتصبوا اليه)))
الوظيفة الحكومية مهما وصلت لن تبتعد عن مرتب 20000 الف حتى لو المرتبة الخامسة عشر لاحظ
يعني خسارة التعب والمرمطه والدراسة والغربة وانت عارف ان اقرانك المجتهدين في القطاع الخاص ممكن يوصل لل 20000 في اول عشر سنوات خدمه وفرصة الانطلاقة اقوى من الوظيفة الحكومية لان الجميع سواسيه اهم شي شهاده وهدفي الحقيقه احصل احد يقدر قيمة المجهود ما ابي اصير مدير هدفي مادي بحت وبالمناسبه حسب مافهمت القطاع الخاص مايبغى خريج دكتوراه يبغى ناس فاهمين وغير مكلفين بقدر الامكان يعني ماستر استشمار او تمويل الدكتوره اصلح للاكاديميين في الجامعات والوظائف القيادية في المستقبل البعيد يعني بدري عليها واخيراً ((العمر)) انت تقول 38 كلامك جميل لكن وقتها عندي خدمه سابقه سبع سنوات امين صندوق وخدمه اجماليه 10 سنوات وموضوع الماستر ما يؤرقني كثير امره هين يجي إن شاء الله قبل الاربعين ننقز بريطانيا الشكوى على الله اهم شي تكون الخطة مدروسة والراي لك اخي طارق المعذرة على الإطالة .. تحياتي

[فالك التخرج]

المشاركة الأصلية كتبت بواسطة soo0oo القطاع الخاص مافيه اماان وظيفي وقت دوامه طويل انصحك تبقى بالحكوومي

كلامك سليم لكن الوظيفه الحكومية ما تأكل عيش زي القطاع الخاص خاصه للمجتهد ويظل الموضوع خاضع لقدرات وقناعات الاشخاص .. شرفني مرورك اختي soo0oo لك كل الشكر