تجمع طلاب وطالبات (الماجستير التنفيذي لادارة الخدمات الصحية والمستشفيات) لتعم الفائدة

[خجوـوـولة]

نفسي اسجل في هذا القسم بس خايفه من اختبار المصطلحات الطبيه (( باللغه الإنجليزية )) الخاص بهذا القسم

اخاف اسجل وما اعدي الإختبار وتروح عليا فرصة التقديم

انا تخصصي في البكالوريوس تغذيه وعلوم اطعمة مادري يقبلوني؟؟

ومره نفسي فإدارة الخدمات الصحية بس اخاف ادخل الإختبار

ولاعندي خلفيه عن اسئلة القسم واورط نفسي وتروح عليا السنه عالفاضي

ويقولو لازم يخلونا نوقع على تعهد انو لو اتلغت المكرمة نكمل باقي فلوس الماستر ودا شي مره مخوفني

اختي ام يسوري املي في الله كبير ثم فيكي ايش تنصحيني ؟؟

علما بإني لين اليوم محتاره فتخصص الماستر بين (( ادارة خدمات صحية ، ادارة عامة ،، ادارة اعمال ))

واللي مخوفني من إدارة اعمال انو اختبار القسم فيه جزء تحليل كمي

ومسائل رياضية وانا اكرررررره الرياضيات المعقد زي التحليل الكمي

انصحوني الله يسعدكم قبل مايخلص التقديم للماستر

منتظره ردودكم

فمان الله