لو سمحتم ياطلاب مادة البحث والتدريب pad496 ضروري الله يوفقكم

[ابحث عن العلم]

السلام عليكم ورحمة الله وبركاته...


شباب يمديني اغير دكتور مادة البحوث والعمليات ...د.حامد محمد ابراهيم الدوعان الى اي دكتور تكفون ردو علي ؟؟؟... ومين افضل دكتور انزل عنده هالمادة الله يسعدكم .

[أنا غيم]

أنا قال لي الدكتور ماراح تخلص معي البحث هذا الترم رغم اني خريج

فقررت احذف الماده واخذها صيفي


وش رايكم

[عبدالله بن سليمان]

الدكتور واحد بالانتساب لمادة بحوث العمليات وهو الدكتور الإدريسي

ماتقدر تغير

بس عنوان الموضوع يختلف عن الموضوع نفسه لأن مادتين مختلفتين أنتبه

[أنا غيم]

هو يقصد مادة البحث والتدريب

[ابحث عن العلم]

عبدالله بن سليمان
اقصد مادة البحث والتدريب مشكور على الملاحظة كتبتها وانا مقهور من الدكتور يقلي ماتتخرج هذا الترم مع انه هذا اخر ترم لي والله خرب علي اليوم كله ..


أنا غيم


الله يجزاك بالخير توني انتبهت ..يعني مايمديني اخذ مادة البحث والتدريب عند دكتور ثاني ؟؟

وهل فعلا فيه ترم صيفي يكون ناخذها في الصيف ابرك من القروشة ..والله قفلت اخلاقي من الدكتور يتكلم من طرف خشمه ..

[ابحث عن العلم]

الو شباب تكفون محتاج رد .. يمديني اغير دكتور المادة ولا احذفها ؟؟..

ابي العلم الاكيد ..


وهل فيه ترم صيفي لها تكفون الفزعة ؟؟

[الزهراااااني]

اذا تقصد عن طريق الجامعه >>ماتقدر نظام جديد من قسم الادارة العامه >>قبل اسوعين تقريباً كنت في الجامعه كنت ابغى اضيف البحث لاثنين من الزملاء>>>رفضوا اني اختار دكتور معين >>>يقول اسجل لك الماده حسب الشاغر في الاوديس >>>يعني مااستفادوا شيء


زمان عادي تروح الجامعه وتختار الدكتور اللى تبغاهـ >>>بس توقع ورقة بموافقة الدكتور


خليك مرابط على الاوديس تحصل طالب سحب واحد اعتذر واحد واحد.....الخ

واذا لقيت اي دكتور غير دكتورك سجل عنده على طوووول

وكلم الدكتور وقوله ظرفك بكل صراحه قول انا كنت عند الدكتور الفلاني وقال ماراح تتخرج الترم هذا

والله ييسر اموركم

[أنا غيم]

الله يجزاك الجنه

[ااابو يزيد]

غريبه طيب ياشباب ايش السبب يقولك ماتتخرج هالترم

معقوله مادة البحث متعبه وطويله ولا كيف اتمنى احد يفهمني اول مره اسمع انه دكتور يقول مايمديك تخلص معي ايش السبب

[أنا غيم]

المشاركة الأصلية كتبت بواسطة ااابو يزيد غريبه طيب ياشباب ايش السبب يقولك ماتتخرج هالترم معقوله مادة البحث متعبه وطويله ولا كيف اتمنى احد يفهمني اول مره اسمع انه دكتور يقول مايمديك تخلص معي ايش السبب

تعقيد
تعقيد
تعقيد


دكتور معقد وشايف نفسه