ماهي الخطوات بعد التخرج

[ريم اليوسف]

السلام عليكم جميعا
اول شي اتمنى الموضوع بمكانه الصحيح
ثاني حاجه زي ماهو مكتوب بالموضوع انا خريجه الترم الاول يعني طازج ههههههه
ماني عارفه ايش هيا الخطوات للتسجيل في الماستر؟؟ ومتى اقدم؟؟ وايش هوا التوفل ؟؟
واختبار القدرات شرط للماستر ولا لا؟؟ انا تخصصي احياء دقيقه وكمان ابغى اعرف التقديم كمعيده بالجامعه كيف وايش المطلوب ؟؟ وهل له اختبارات ولالا ؟؟
كمان اذا التوفل هوا الانقليزي هل لو اسجل بمعاهد اكسفورد وادرس فيه سته شهور يعادل التوفل ولالا؟؟

واخر حاجه متى اعرف مواعيد التقديم للماستر ؟؟

[بيو كيميائية ^_^]

و عليكمـ السلامـ

التقديمـ قفل حاليًا

يفتح مرة في السنة في ربيع الثاني

تخصصات العلومـ ماتتطلب إختبار قدرات بس أنا أختبرت

و مو لازم تختبري توفل إختبري ستيب أسهل من التوفل

راح يكون إختبار القدرات و الستيب في شهر 7


التقديم للإعادة همـ يعلنون

بالتوفيق

[ريم اليوسف]

يعطيك الف عافيه ياعسل
ممكن تقولين لي ايش هوا اختبار الاستب
وهل لو ادخل معهد يفيدني بحل الاختبار انا معلوماتي بالانقليش زيرو
وهل اقدر اقدم على الاختبار بشهر 7 ومتى اقدر اسجل واعتذر لو كثرت اسئله بس ودي اكمل ماستر بدل الفضاوه يلي انا فيها

[Xerxes]

المشاركة الأصلية كتبت بواسطة ريم اليوسف يعطيك الف عافيه ياعسل ممكن تقولين لي ايش هوا اختبار الاستب وهل لو ادخل معهد يفيدني بحل الاختبار انا معلوماتي بالانقليش زيرو وهل اقدر اقدم على الاختبار بشهر 7 ومتى اقدر اسجل واعتذر لو كثرت اسئله بس ودي اكمل ماستر بدل الفضاوه يلي انا فيها

اختبار الستيب هو اختبار لمستواك باللغة الانجليزية .. ونفس طريقة اختبار القدرات الا انه جميع اقسامه باللغة الانجليزية .. طبعا يختبر قرائتك وفهمك والمامك بقواعد اللغة واستماعك ..

اكيد راح يفيدك المعهد ..

تابعي حساب قياس بتويتر وراح ينزلون قبل شهر سبعة مواعيد التسجيل مع الشرح ..

نصائحي لك :
1. حددي لك هدف من حيث رغبتك بالدراسات العليا وحاولي تحققي جميع شروطها باقصر مده .
2. استعدي من الان لاختبار القدرات لاخذ درجة عالية فيه ..
3. سجلي في دورة باللغة الانجليزية مكثفة للقواعد وحاولي جمع اكبر عدد من المفردات ..
4. لا تعتمدي على اختبار step فقط اذا بالامكان سجلي باختبار التوفل عشان اختبار الستيب مره واحده بتختبرينه واختبار التوفل مرتين بالشهر يعني فيه فرصة اكبر .

وبالتوفيق لك يارب .

[ephidra]

تصحيح الستيب يفتح 3 مرات في السنه
ومسموح لكي تختبري اختبارين من 3

ومن موقع قياس تسجلي وتشوفي المواعيد

نصيحتي لكي في الستيب

القواعد هي الي ممكن تضمينها في دا الاختبار بس للاسف اسئلة القواعد مو كتيره
فلا تضيعي اكتر من اسبوعين او 3 في القواعد

الشي التاني زودي حصيلتك اللغوية كلمات كلمات كلمات كل ما عرفتي كلمات كل ما فهمتي القطع و حليتيها والي تشكل 40 بالميه من الامتحان

اخر شي الاستماع ما كان سهل زي ما كنت متوقعه فنمي دي المهارة واضمني الدرجات المواقع كتير

شدي حيلك من دحين وربي محا حيضيعلك تعب وربي يناولك ما تتمنيه والي فيه خير