تصويت .. لمعرفة عدد الطالبات المقدمات على ماجستير الكيمياء

[Bloom Boom]

مرحبا للجميع ..
الموضوع دا خاص بالطالبات المقدمات ع الماستر بتخصص كيمياء..
نحتاج نعرف عدد الطالبات عشان نعرف لو لنا اختبار قبول أو لا ..
أتمنى من كل وحدة قدمت على ماستر كيمياء تسجل اسمها وتحدد مكان التقديم
في (السليمانية ولا في الفيصلية )
وربي يوفق الكل .. وإن شا الله ننقبل كلنا..

[فيروزه]

تم التصويت ..بالتوفيق للجميع يارب
و كلنا مقبولات نهائيا بدون اختبار..يارب

[بيو كيميائية ^_^]

المشكلة ماتقدري تعتمدي على هالشيء

لأن مو كل اللي مقدمين موجودين في المنتدى

يعني أنتِ مثلًا توني أشوفكـ

أنا يوم الأحد كلمت رئيسة القسمـ و قالت في البداية مافيه إختبار مفاضلة بعدين لما قلت لها يعني كلنا مقبولات قالت ماعندها علمـ فكلمت الرئيس و قال ماعندهـ علمـ

الإثنين أحد الأخوات كلمت الرئيسة و قالت مافيه إختبار مفاضلة

إحنا نبي بعد أحد يدق اليوم عشان نتأكد

و إن شاء الله يارب يكون مافيه

و ننقبل كلنـا يارب

[صمت الانين]

السلام عليكم

حسب كلام دكتور عدنان الحميدان بتويتر قال كل الاقسام تحدد لها اختبار قبول بتاريخ 15/5 الاحد القادم
والاقسام الي ماتحدد لها اختبار يعني مافيييه .

انا اتصلت على رئيسه القسم الهام وقالت لي مين قالك في اختبار قلت في درجه على المفاضله
وكل الاقسام لها اختبار قالت مافي اختباار وانتي سجلتي في الموقع قلت ايوا
قالت خلاص ان شاء الله مقبولين اذا مستوفيه الششروط ..
جربي انتي اتصلي بكرا واعطينا الخبر عشان نتاكد من طرف ثالث .. والله يوفقنا جميعا

[فيروزه]

الله يسهل الأمور.. يارب

وياليت القسم أو العمادة يوضحوا لنا..


والي تتصل تبشرنا.. ربي يبشرها بالفردوس الأعلى يارب..

[صمت الانين]

فيروزه جربي اتصلي بما انك مقدمة معانا في السليمانيه :)

[بيو كيميائية ^_^]

هذا رقم الدكتورة إلهام كلموهـا عشان نتأكد أكثر

0509695379

[فيروزه]

بمشيئة الله اتصل و أبلغكم .. ويارب كلنا مقبولات

[Bloom Boom]

ألف شكر لكل الي اتجاوب وصوت ..
يب أنا معاكي بيوكيميائية .. مو الكل بيكون موجود هنا.. بس لو عرفنا العدد هنا .. كتير ولا قليل ..
رح يزيح التوتر عننا شويا ..
لانو الاغلب شكلهم لا نوم ولا أكل .. الكل يستنى .. وأنا كل شويا اشيك ع الايميل..
تسلمي مرة ع الرقم .. وبما انو فيروزة قالت تتصل أنا رح أجرب بعدها .. بس إن شا الله نلاقي خبر يقين ونرتاح...
...
صمت الانين .. إن شا الله يكون كلام الدكتور عدنان .. أكيد .. وما يطلع في اختبار .. >_<
...
وبالتوفيق للجميع .. يارب كلنا مقبولات ..

[بيو كيميائية ^_^]

و الله أنا زمان عديت البنات اللي في التجمع و طلعوا قليل مع ذلكـ لسه متوترين

الله يسهل لنا يارب

إذا ماعليكِ كلافة تدقي اليومـ كمان مع فيروزة عشان يشوفون قد ايش إحنا متعذبين نفسيًا و يريحون بالخبر المفرح :$