استفسار عن كلية الهندسة للبنات

[إيـEmanـمان]

السلام عليكم و رحمة الله و بركاتة
صباح / مساء النسمات الباردة ,,, لقلوبكم الدافئة..
خلصنا التحضيري و الحمد لله على كل حال .. و إن شاء الله حيكون التسكين و ترتيب الرغبات زي ما نبغى ,,
الموضوع واضح من العنوان .. حابة استفسر عن كلية الهندسة بما انو قسم جديد علينا احنا البنات من ناحية (( الاقسام المتاحة .. عدد سنوات الدراسة .. أفضل الاقسام ..المستقبل الوظيفي.. وكيف حاتكون بيئة العمل يعني حاتكون مكاتب نسائية ولا كيف بتكون )) اعرف انو طلباتي كثيرة بس من جد حابه اعرف اكثر عن هالقسم .. فـ ياليت اللي عندو معلومات او خبره في المجال دا لا يبخل علينا ..
ومشكورين مقدماً ..

[إيـEmanـمان]

يعني مافي احد عندو معلومة يفيدنا فيها

[shox2]

ياختي اكيد محد عندو معلومه لانو زي ما قلتي قسم جديد و محد داري
واللي الكل عارفو كلام جرايد و العماده ما طلعت معلومات عنه ابداً

[Eva160]

انا راح اشارككم تجربتي مع تخصص هندسه كيميائيه من جامعه ماساتشوسس امهرست

تخصص هندسه كيميائيه معظم المواد اللي درستها لها علاقه بالفيزياء والكيمياء والرياضيات، هوا صح التخصصات الهندسيه مو سهله يبالها مزاكره اول باول وتكوني مجموعه تزاكروا مع بعض وتساعدو بعض، مستحيل تزاكري لحالك، ولازم تكوني قويه في جميع قراراتك هوا امكن كده ماده تجيبي A- او B- اقل حاجه C- المهم معدلك يكون فوق 3.5 من 5 او 2.5 من 4 للتوظيف في المستقبل

التخصص هندسه كيميائيه حلو لانو مجالها واسع في التوظيف
الصيدله في صناعه الادويه
مختبرات
تقنيه طبيه
البتروكيميائيه مثال شركات ارامكو، سابك، صداره
شركات صناعه الاغذيه والمأكلولات مثال البيبسي
شركات صناعه الاجهزه والكمبيوتر مثال جينيرال اليكتريك
شركات في صناعه البلاستيك
في مجال الطب يبالك تدرسي دكتوراه تخصص هندسه التسج هما اللي بيقوموا زراعه الاعضاء مثال الجلد او عظام وغيرها
مجال الطب تدرسي دكتوراه تخصص هندسه طبيه حيويه هما اللي يعملوا بحث في علاج امراض السرطان او السكر وغيرها
القائمه مره طويله في التوظيف والبيئه العمل راح تكون مختلطه


يبالك تعملي بحث وتستخيري ربنا

حاولي تقرئي
http://en.wikipedia.org/wiki/Chemical_engineering

ان شاء الله راح يفيدك معلومات زياده عن التخصص

ربنا يوفقك ويكتب لك الخير

[الحب يحتاج لضمير]

والله بصراحة يا إيمان انا قريت اكتر من مره انة الاقسام اللي مفتوحة لكم في

كلية الهندسة راح يكون قسم الهندسة الكهربائية والهندسة الصناعية والكهربائية اربعة اقسام لكن اللي مسموح للبنات

هندسة حاسبات اما في الصناعية راح يكون عندكم هندسة النظام وانا بصراحة اللي اعرفو انو الكهربائية اقوى قسم

واحسن قسم من ناحية الفرص الوظيفية بس كل اقسامو ولا بعضها ما ادري لانو هوا 4 اقسام وبالنسبة لبيئة العمل

الصناعية اغلب شغلها اداراي يعني مكاتب وحتى الكهربائية مدام قسم هندسة حاسبات اتوقع مكاتب برضو والله يوفقك

ويسهلك كل عسير يارب
ان شاء الله اكون .... افدتك

[نـونــي]

انا ارسلت اميل لعميد الكليه وسألتو عن الاقسام قلي هندسة حاسب آلي وهندسة نظم

[إيـEmanـمان]

آمـــــيــــــن
...الله يعطيكم العافية...

[العالمة]

المشاركة الأصلية كتبت بواسطة eva160 انا راح اشارككم تجربتي مع تخصص هندسه كيميائيه من جامعه ماساتشوسس امهرست تخصص هندسه كيميائيه معظم المواد اللي درستها لها علاقه بالفيزياء والكيمياء والرياضيات، هوا صح التخصصات الهندسيه مو سهله يبالها مزاكره اول باول وتكوني مجموعه تزاكروا مع بعض وتساعدو بعض، مستحيل تزاكري لحالك، ولازم تكوني قويه في جميع قراراتك هوا امكن كده ماده تجيبي a- او b- اقل حاجه c- المهم معدلك يكون فوق 3.5 من 5 او 2.5 من 4 للتوظيف في المستقبل التخصص هندسه كيميائيه حلو لانو مجالها واسع في التوظيف الصيدله في صناعه الادويه مختبرات تقنيه طبيه البتروكيميائيه مثال شركات ارامكو، سابك، صداره شركات صناعه الاغذيه والمأكلولات مثال البيبسي شركات صناعه الاجهزه والكمبيوتر مثال جينيرال اليكتريك شركات في صناعه البلاستيك في مجال الطب يبالك تدرسي دكتوراه تخصص هندسه التسج هما اللي بيقوموا زراعه الاعضاء مثال الجلد او عظام وغيرها مجال الطب تدرسي دكتوراه تخصص هندسه طبيه حيويه هما اللي يعملوا بحث في علاج امراض السرطان او السكر وغيرها القائمه مره طويله في التوظيف والبيئه العمل راح تكون مختلطه يبالك تعملي بحث وتستخيري ربنا حاولي تقرئي http://en.wikipedia.org/wiki/chemical_engineering ان شاء الله راح يفيدك معلومات زياده عن التخصص ربنا يوفقك ويكتب لك الخير

اختي رجااااااء الله يجزاك خير ابغى ايميلك ضروووووري انا توي متخرجة وربي نفسي اتخصص هندسة كيميائية من زماااااااااااااااان بس عندي بعض الاستفسارااات وابغى اسالك هي....الله لا يحرمك الاجر ..بليز

[lina_someone]

المشاركة الأصلية كتبت بواسطة eva160 انا راح اشارككم تجربتي مع تخصص هندسه كيميائيه من جامعه ماساتشوسس امهرست تخصص هندسه كيميائيه معظم المواد اللي درستها لها علاقه بالفيزياء والكيمياء والرياضيات، هوا صح التخصصات الهندسيه مو سهله يبالها مزاكره اول باول وتكوني مجموعه تزاكروا مع بعض وتساعدو بعض، مستحيل تزاكري لحالك، ولازم تكوني قويه في جميع قراراتك هوا امكن كده ماده تجيبي a- او b- اقل حاجه c- المهم معدلك يكون فوق 3.5 من 5 او 2.5 من 4 للتوظيف في المستقبل التخصص هندسه كيميائيه حلو لانو مجالها واسع في التوظيف الصيدله في صناعه الادويه مختبرات تقنيه طبيه البتروكيميائيه مثال شركات ارامكو، سابك، صداره شركات صناعه الاغذيه والمأكلولات مثال البيبسي شركات صناعه الاجهزه والكمبيوتر مثال جينيرال اليكتريك شركات في صناعه البلاستيك في مجال الطب يبالك تدرسي دكتوراه تخصص هندسه التسج هما اللي بيقوموا زراعه الاعضاء مثال الجلد او عظام وغيرها مجال الطب تدرسي دكتوراه تخصص هندسه طبيه حيويه هما اللي يعملوا بحث في علاج امراض السرطان او السكر وغيرها القائمه مره طويله في التوظيف والبيئه العمل راح تكون مختلطه يبالك تعملي بحث وتستخيري ربنا حاولي تقرئي http://en.wikipedia.org/wiki/chemical_engineering ان شاء الله راح يفيدك معلومات زياده عن التخصص ربنا يوفقك ويكتب لك الخير

الله يسعدك ممكن تقولي دا في جامعة الملك عبدالعزيز؟ انا دورت ما لقيت انو في تخصص هندسة كيميائية للبنات الله يسعدك ممكن تردي :((((( انا خلاص جاني احباط مو طبيعي