]:[ تجــــآرب المُقــآبـلة الشخصيــة | Personal Interview Experiences

[nour al3mr]

أبدأ بإحدى التجـآرب

::- اسم جهة التوظيف المُقدَّم لهــــآ ( اختيــــآري ) ..::

إحدى الشركــــآت في القطـآع الخـآص

::- مُؤهلك التعليمــــي ..::

بكـآلوريوس لغـآت أوروبيـة - انجليـــــزي - جـآمعة المُؤسس

::- كيف كانت المُقـآبلــــة و بمـآذآ أنتهت ؟ ( المُغـآمـــــــرآت و نتيجتهــآ : أنقبلت أو انرفضت : ) ..::

نفتتح الحكـآية

جـآني اتصـآل رديت قـآلت الأخت ...... معاك ......
وصلنا الـ CV حقك من الموآرد و عندك مُقابلة السبت 11 الصبـآح و أعطت العنوآن
أسـألها أيش طبيعة الوظيفة طيب ؟ ( لأني مو عارفة أيش طيّـر السي في عندهم أصـلاً ) قالت كول سنتـــــر + إداريـة و السبت تعرفي أكثـــــر

توكلت على الله و رحت موآصلة و قمت التنـآحة و لا فكرت أستعد لشيء
وصلت ع الموعد الحمد لله بعد ما تهت حبتين بالعنوآن :$
كان عندها وحدهـ تقابلها قبلي فانتظــــرت و شايفة البنت متنرفزة لأن الباب زجاج شفاف فراحمه حالتها إلا و جـآء وقت الجد

- اللي عملت المُقابلة : مسؤولة التوظيف بالشـركة + مسؤولة إدارة الجودة

سؤال الإفتتاحيـة بدآت تسـأل بالعربي :
* عرفي عن نفسك ..؟ متى إتخرجتي ..؟ أيش مهاراتك ..؟
إن جاتك بعثة أو ماستـر هل تتقدمي لها و تتركي الوظيفة ؟ إن جاك عرض راتب أو مستوى وظيفي أعلى هل تقدمي له و تتركينا ؟

لك في مجال التسويق ؟ بعد تتنيحة قلت لا ،،
لك في مجال الترويج للمُنتجـآت لمختلف العمـلآء ؟ قلت لا ~> من أولها أبشـر خيـــــر
إن في شخص تبغي تقنعيه بمنتج معين هل إن ما إقتنع من أول مـرهـ تتركيه أو تحاولي تجيه بطرق أخرى و تلحي عليه ؟
قلت لها أكون صادقة معاك ،، أبدًا ما استخدم أسلوب الزن ولا أحبه ،، من البدآية ما أقتنع استخدم أسلوب ثاني و أجي بطريقة ثانية إن ما قبل فانتهى
~> أفتكرت زن و طنين الذبــــآب هنـآ

بعد ما خلصت مجموعة الأسئلة اللي فوق قالت الحين بنعيد كل هذآ بالإنقلش بنفسي أقول طيب كان من أول أيش الحالة هذي
و خلصنا من هالشيء بســــلآم الحمد لله و أفكر خلصت لسه بألم قشي
جات وحدهـ نادتني قالت تعالي معايا :
طلع الموضوع لسه حتختبرني في الـ TELESALES و كيف طريقة الرد و التفاعل ووو...آلخ مرهـ بالعربي و مرهـ بالإنقلش
طبعًا هذهـ الحرمة لا توصف أستغفر الله قد ما ضحكتني
معصبة و تهزأ و مدري أشبها شايله طاجن ستها على رآسها

- بعدها جات وحدهـ قالت تعالي معايا لإختبار الطبـآعة
و برضوهـ مرهـ بالعربي و مرهـ بالإنقلش و الحمد لله كان جميل جدًا ( من كثر السنترهـ ع الكيبورد )
و بعدها رجعت المسؤولة و قالت بس توصل نتيجة الإختبارات و نكمل نستقبل المرشحين راح نبدأ فترة التدريب أسبوع و نكمل الباقي

- أنـآ هنا سحبت رجلي و أدعس ولا أرجع لهم لأني ما حبيت الشغلة أفكرها شيء إداري طلعت شيء ثـآني تسويقي تُوووحفـه

::- الفـآئدة منهـآ و الدرس المُستفــــآد من التجربة ..::

- إن كـآن أحد معصب قدآمي أضحك فهذهـ نقطة تزيد تنرفــــــز اللي قدآمي و هالشيء صـآر مع اللي اختبرتني بِـ TELESALES بس أسلوبها الله يهديها و إيـآنا رهيب أجبرني على هالشيء

- التحضيـر للمقابلة ما تكون روحه على البركــة و موآصلـة لأن المخ يفصل

- عجبتني أسئلتهم و كانت بسيطة و مُحددهـ في نطـآق الوظيفـة

- الإنجليـزي في بعض الوظـآئف مهم جدًا و من كثر ما غلبوني قلت ياليت ما كتبت لهم أني انقلش كل شيء ينعاد مرتين عربي و انجليزي ماصارت

- مهارة استخدآم الحاسب مهمة جدًا خاصة سرعة الطباعة

[ام حمدان]

صباحكم /مسائكم سعاده ورضا

موضوع جا في وقته الله يعطيك العافيه ولايحرمك الاجر أ/نور

سبحان الله لسى امس اسولف مع الهام عن الوظايف والمقابلات ومفكره ابحث عنها اكثر في النت يمكن اطلع بفايده واتحضر

واكيد الموضوع ان لاقى تفاعل من اصحاب الخبره بيفيد الجميع

المشاركة الأصلية كتبت بواسطة nour al3mr - التحضيـر للمقابلة ما تكون روحه على البركــة و موآصلـة لأن المخ يفصل - عجبتني أسئلتهم و كانت بسيطة و مُحددهـ في نطـآق الوظيفـة - الإنجليـزي في بعض الوظـآئف مهم جدًا و من كثر ما غلبوني قلت ياليت ما كتبت لهم أني انقلش كل شيء ينعاد مرتين عربي و انجليزي ماصارت - مهارة استخدآم الحاسب مهمة جدًا خاصة سرعة الطباعة <<الله يبشرك بالخير بينام ويقوم الي بيعتمد علي وانا ماخلصت شغله تعرفيني سلحفاة في الطباعه

نور مالك بالهم ذاك كله عليك بالشؤون من نظره بس بيوظفونك دايركت

الله يسعدك ويكتب اجرك على هالافادة

ربي يفتح لك ابواب رزقه و يرزقك باعلى المناصب في الدراين

[white rose]

الله يعطيك العافية استاذتنا موضوع رائع

بس تجربتك مررروووعة احس يبغالي ساعة افوق من ثاثيرها على مخي

تدرين خلاص بكتب بكالوريس وبس تعقدت اجل مرتين تنعاد المقابلة خيرررر

كويس انك عرفتي تكملي حسيت لو كنت مكانك كان فتحت الباب وجريت اسويها ترى

المشاركة الأصلية كتبت بواسطة nour al3mr - التحضيـر للمقابلة ما تكون روحه على البركــة و موآصلـة لأن المخ يفصل - عجبتني أسئلتهم و كانت بسيطة و مُحددهـ في نطـآق الوظيفـة - الإنجليـزي في بعض الوظـآئف مهم جدًا و من كثر ما غلبوني قلت ياليت ما كتبت لهم أني انقلش كل شيء ينعاد مرتين عربي و انجليزي ماصارت - مهارة استخدآم الحاسب مهمة جدًا خاصة سرعة الطباعة

الله يجزاك الجنة افادتك رائعة ما قصرتي على اني خفت

بس بحط هالنقاط ببالي الله يسعدك