تدريب 2 وبحث التخرج

[luluI]

السلام عليكم

حبيت استفسر عن كم حاجه انا الترم الجاي تخرج ان شاء الله بقيلي 4 مواد

بنسبه لمادة تدريب 2 كيف الطريقة عشان ادرب يعني اختار المكان واروح اخد الموافقه بعدين اقوول لي استازة الماده و لا ايش اسوي ومتى ابدا في التدريب
والله يخليكم لاتحطو روابط مواضيع مزكور فيها اماكن للتدريب لاني شفتها وحسيتها ملخبطه مافهمت حاجه ابغى اماكن تخص البنات
وكمان حابه استفسر عن مادة بحث التخرج ايش في استازات كويسين ويساعدو
وكيف حتكون طريقتو اختار اول شي موضوع البحث من فين وايش اسوي بعدها والبحث لازم مجموعه او يكفي اتنين او عادي لو لوحدي الله يخليكم ساعدوني حااااايسه انا حابه استفسر وافهم قبل مايبدا الترم التاني عشان لااحس نفسي ضايعه معليش اسئلتي كتتتتتتتتتتيره بس ضروري جاوبوني الله يخليكم

[w h i s p e r]

عليكم السلام ..

اخيرا لقيت وحده زيي مو عارفه راسها من رجلها في دي المادتين هههههههههههههه

بالنسبه ليا شوفي ايش حسوي ..

بعد ما اسدد حختار استازة البحث وحتكون مابين اميره الزين او زينب العايش لو حطوها ..
طبعا ناويه اشترك مع بنتين او 3 يعني حنكون 4 بنات مشتركين في نفس البحث على حسب الاستازه لو وافقت ولالا لانو العمل الجماعي احسو حلو ويخفف من التعب ولانو حكون مزنوقه في 5 مواد غير البحث

بالنسبه للتدريب في هنا اوراق منزلتها استازه ايمان الطباع وهيا : موافقة ولي الامر + موافقة الجهه اللي حتدربي فيها + استمارة التقييم

نزليها واطبعيها وروحي للاستازه اللي اخترتي معاها التدريب انا ناويه يا مريم عثمان او ايما الطباع وحتوقعيها منهم وتروحي لبابتك او ولي امرك ويوقعو بالموافقه وبعدي تروحي الجهه اللي حتدربي فيها وتخليهم يوقعو وتبدأي تدريب..

وفي مركز سأكون البنات يمدحو التدريب فيه بس انا ناويه اروح مديكل الخطوط ان شاءالله لانو بابا فالخطوط فاعتقد اقدر اتدرب بسهوله هناك ..

خليتيني اقرقر كتير بس حبيت افيدك بالمعلومات

[ghaydaa]

انا كمااان نفس الشي تخرج انشاءالله ومرة شايلة هم المادتين والتدريب بفكر اروح مستشفى الالماني او المديكل

[عازفة الوتر الحزين]

لا تشيلو هم التدريب هوا حلو بس يحتاج شويت جهد
لكن تتيسر بأذن الله

بالنسبة لي اخدت التدريب في مركز سأكون للأحتياجات الخاصه تقريبا كان حلو والحمدلله تعبي ماضاع واجتزت فيه ولله الحمد بالدرجة اللي ترضيني وتفرحني : 32:

الله ييسر عليكم ويسهل لكم

ولسا بقي لي البحث ما اخدتو وبأذن الله الترم دا اخر ترم والله يعين على الكررف والقلق : 13:: 11:

[ديباكين]

الحمد لله في احد مثلي شايل هم هالمادتين بصراحه خايفه من التدريب الله يعديه ع خير
عندي غير البحث والتدريب 3 مواد من ضمنها تدريب 1 ،،
اللي عنده اي خبره في اي ماده من المواد يفيدنا

بالنسبة لأوراق الخاصه بالتدريب لازم اختم الورقه من الاستاذه لأني خارج جده ،، ينفع احد يروح بدالي ؟؟