تَجــــــمع بنآآت ـالآآحيــــآء 2011 ..~

[ms.dedo]

د/ سوزان عبده
اخذت معاها بيولوجيا الجزيئة بالعربي
بس قالت الترم الثاني حتبدأ تعطي بيولجيا الجزيئة والخلية بالانجليزي
اسئلتها سهله واللي تركز عليه في الشرح تجيبو
اسئلتها عبارة عن 10 اختياري وسؤال عددي وسؤال اشرحي مع الرسم
اغلب اسئلتها من شرحها وعرض البوربوينت الكتاب ماتجيب منو بس تقولك ارجعي للكتاب وافتحي مراجع من النت
بس تخوفك وتباكي تعتمدي على نفسك وانتي تدوري المعلومة

التزمي بالمحاضرات بوقتها واتعاملي معاها باخلاق تمشي معاكي
ماتطلب نشاط تختبرك 4 اختبارات 2 دوري 1 نصفي 1 تعتبرو ليكي تعويض لو راح عليكي اختبار او جبتي درجة نازله في اي من الدوريات وأحلى شي تدي بونس في الاختبار النصفي درجتين والنهائي 3 درجات :)

حابة استفسر عن د/اريج باعشن مادة اساسيات علم بيئة
عن المادة ؟ وعن المعمل ؟ سهله ولاصعبه ؟ والمعمل كيف حيكون موضوعي ولا تجارب ؟ اسئلة د/ اريج موضوعيه ولا اختياري ؟ تراعي بالدرجات ولا لا ؟
لانو عندي معملين في نفس اليوم حيوان وبيئة !!
فحابه اعرف عن المادة ؟ اذا سهله اخليها واذا معملها تقيله احذف المادة

[فياافي]

المشاركة الأصلية كتبت بواسطة ms.dedo حابة استفسر عن د/اريج باعشن مادة اساسيات علم بيئة عن المادة ؟ وعن المعمل ؟ سهله ولاصعبه ؟ والمعمل كيف حيكون موضوعي ولا تجارب ؟ اسئلة د/ اريج موضوعيه ولا اختياري ؟ تراعي بالدرجات ولا لا ؟ لانو عندي معملين في نفس اليوم حيوان وبيئة !! فحابه اعرف عن المادة ؟ اذا سهله اخليها واذا معملها تقيله احذف المادة

دكتورة اريج باعشن كووويسة مره .. اخلاق واسلوبها حلو وشرحها تمام ..
بالنسبة لاسئلتها موضوعيه صح وخطا وصلي واختياري وفراغات وعللي وصور تقولك تعرفي وكذا ..
اهم حاجه تركزي معاها كويس في المحاضره وتاشري اول باول من العرض .
وتراعي بصراحة في الدرجات افتكر في الدوري الثاني مرررره حسيت نفسي ماحليت
وجبت درجة كويسة ,,

اممممممم وتحب المصطلحات ولا يخلو اختبار منها .. في الغالب تجيب فراغات عربي وانتي تحطي المصطلح بالانجليزي ,, او صلي ..

..

بالنسبة للمعمل شغله خفيف مره وممتع .. في التربة والنباتات وكدا ..

ماانصحك ابد تحذفي الماده بالعكس شوية اهتمام وتجيبي امتياز فيها باذن الله ..

موفقه حبيبتي