انطباعك عن اختبار تدريب2

[غريب911]

ابو يوسف اذا تسمحلي اتدخل في الموضوع .
اولا الدكتور مادرا عني وعنك وهو في بيته نايم وانتو تتجادلون في مواضيع انتهت ( بالنسبة لوضع الدرجات ) اما ما يخص كلامك على الدكتور او سبك وشتمك ودعائك عليه والله ما يجوز لانه ياخذ من حسنات وتاخذ من سيئاته ، اخوي الغالي ابو يوسف كلنا تضررنا من كثير من المواد وكثير من الدكاتره ومنا انفسنا بالاهمال في المذاكره . انت تقول انك ذاكرت وتعبت وهو ظلمك صح . طيب 1+1=2 ريح بالك وروح للجامعه واطلب مراجعة ورقة اختبارك وترتاح ، انا اقلك الكلام هذا لانك احد اخواني في المنتدى ما يرضيني اشوفك تتشاكل مع احد من الاعضاء او المشرفين سواء ولد او بنت ( لا فرق كلنا اخوان ) بدون اي فائده انت ما راح توصل لنتيجه وهم ماراح يغيروا درجتك . انت كلامك شوي خارج عن قوانين المنتدى وعشان كذا تحذف مشاركتك وليس تنقيصا في قدرك . فنصيحه مني وانا اخوك كبر راسك وارضئ باللي كتبه رب العالمين او روح للجامعه وطالب بحقه .
اما بالنسبه للمشرفات في المنتدى فهم قائمين على خدمتك وخدمتي وخدمت ما يقارب الالاف من الطلاب والطالبات فما يصح ان نتكلم معاهم بالاسلوب هذا يابو سلطان لانهم في النهايه يعملون لمصلحتك وانا قرأت في بداية نقاشكم في موضوع قديم ونصحوك بالذهاب للجامعه ولاكن انت فضلت ان تناقش الموضوع هنا وهنا لا مجال لتعديل او تغيير او مراجعة اي درجه لاي طالب .
نصيحه مني ( خلك حليم ) حتى في كلامك .