معيدة علم نفس ( كلية الفيصلية)

[اصايل الفيصل]

بالنسبة للخاص ما اقدر ارد فبجاوب هنا للكل

المقابلة كانت من الساعة 9-3 حسب المسج اللي ارسلوه وللاسف ما ارسلوه الا صباح المقابلة يعني انا كنت مجهزة اني اطلع 9 بس المشكلة مو بالحضور ، لا المشكلة انو كان فيه ارقام يعني تجي بدري تدخلي بدري ، اخذو لحد 20 طالبة وطالبتين كانو احتياط قالو ممكن تدخلو او لا بس بالنهاية الكل دخل المقابلة وخلصنا قبل الساعة تلاتة..

اللي يعملو المقابلة ايوا كلهم من تخصصنا بالجامعة ، دكتورة نسرين رئيسة القسم السابقة ودكتورة اروى رئيسة القسم الحالية ومعاهم وحدة ثالثة اعتقد انها من الكلية وعن طريق الشبكة كان الدكتور رشاد دمنهوري ومعاه واحد تاني ، دكتور رشاد انسحب تقريبا ع الساعة 11 كذا لانو عندو اختبار فراح وباقي الدكتور التاني المجهول ..

القاعة كانت قاعة اجتماعات مو كلاس محاضرات ، الحريم يكونو قدامك والرجال وراك ع الشاشة>>مدري اش الحكمة؟!!!

المقابلة فردية والعدد الكلي تقريبا فوق 30 طالبة مقسمين ع يومين ..

الاسئلة كانت عرفي عن نفسك؟! ولان الاغلب كانو اما مبتعثات او طالبات ماستر فالتركيز كان على هالنقطتين..
يعني في بنات سألوهم وهما يدرسوا ماستر قالو تقدري تسيبي دراستك وتطلعي ابتعاث؟! في بنات كانت دراستهم بالبداية فقالو عادي وبنات على وشك تخرج فقالو لا مانقدر ..
و في بنات ماشالله كانو متعاونات بالجامعة ويدرسوا بالساعة فسألوهم عن المواد اللي درسوها وهكذا..
وفيه اللي عن الدورات والاهتمامات والميول؟! واش حابه تكملي الماستر فيه؟! وليه؟!

انا بالنسبة ليه لاني مقدمة عالابتعاث سألوني اش التخصص اللي تبغي تدرسي فيه بس والدكتور ماقلي شي الظاهر ماعجبتهم هههههه
كدا ولا كدا بسافر ان شالله من غيرهم>تواسي حالها:(

بس هذا ابرز اللي سار ، سوري المنتدى مايفتح كنت حجاوب من امس بس مو راضي..

في حاجة حابه اشكرهم عليها اول مرة اعجب بتنظيم بالجامعة سواء سليمانية او فيصلية ، ماشالله عليهم بشوشين الاستاذات وحتى كانو يطمنوا علينا لمن نخرج ويهدونا وحتى عاملينلنا بوفيه صغير فيه قهوة وشاهي ونسكافية وفطور ومدلعينا :p
الله يسعدهم يعبروا الواحد بعد مايطلع مكسور خخخ


باقي المحاضرات يقولو اش صار معاهم؟!
ودعواتكم ليا:(