تجربتي ( خطة أ ) ..

[7to0m]

بسم الله الرحمن الرحيم ..
السلام عليكم ورحمة الله وبركاته

طبعاً مالي بالمقدمات أبد

حبدأ أتكلم عن مواد خطة أ وكيف بعد توفيق الله تحقق الـ A+

- الرياضيات / Math110

طبعاً رياضيات السنة التحضيرية كلها تكرار للي اخذته في المرحلة الثانوية, لكن الفرق انها حتكون بالانجليزي و صدقوني اسهل بكثير من العربي

أهم نقطة بهذي المادة انك تذاكر الوورك شوب ,, الأفكار مآ حتطلع من الوورك شوب و احياناً تجي اسئلة بَنفس الارقام منه .

بالنسبة لدكاترة المادة ماعندي عنهم اي خلفية لاني ماكنت احضر
كنت عند دكتور احمد عليو / الدكتور في كثير طلاب مدحوه وشرحه كويس ,, لكن طريقته ماناسبتني فاضطريت ادرس عند مدرس خصوصي ,, لكن اذا حصلت فرصة تحول عند بروف حمزة ابوجبل لاتتردد

و بإذن الله دام البروف حمزة هو منسق المادة لاتشيلو همها كثير


تقسيم الدرجات فيها :
30 دوري أول
30 دوري ثاني
40 فاينل

- الفيزياء / PHYS110

المادة اللي الكل متخوف منها
مع ان الـ A+ تقدر تجيبها بسهولة ,, كمان المادة تكرار للي اخذته بالثانوي ولكن بالانجليزي و اسهل بعد من العربي

طبعا كتاب المادة و دكاترتها بالجامعة مامنهم أي فائدة بتاتاً ! ( بنيت كلامي على كلام اكثر من طالب وعلى تجربتي شخصياً ) عشان كذا كثير طلاب درجاتهم متدنية فيها.

انا كنت ادرس عند احمد العربي , دكتور شريح بقد ماشاء الله عليه يخليك تفهم المعلومة غصب عنك ( وهذا إعلان لك يادكتور وببلاش )
كنت اخلص من محاضرته وارجع البيت اقراها مجرد قراءة عشان اتاكد من فهمي ,, وقبل الاختبار بثلاثة او اربعة ايام اذاكر المادة و أحل اسئلة سنوات سابقة .. والحمد لله الـ A+ بسيطة

و حطوا عشرين الف خط تحت الاسئلة للسنوات السابقة مهمة جداً.

تقسيم الدرجات فيها :
30 دوري أول
30 دوري ثاني
40 فاينل

- مهارات الحاسب / CPIT100

مادة تافهه جداً ,, لكن اعطيها حقها ,, تتكلم عن الاكسل والاكسس والبوربوينت والانترنت وغيرها, جدا بسيطة.
واحسن حاجة فيها ان الجزئية اللي تختبر فيها ماترجع لها خلااص

تقسيم الدرجات فيها :
25 عملي أول - 10 نظري أول
25 عملي ثاني - 10 نظري ثاني
30 فاينل نظري فقط

طبعا بالنسبة للاختبار النظري الكثير من الطلاب يركز ع الكلام النظري بالكتاب فقط وهذي اكبر غلطة ,, لانو تجي اسئلة نظرية لكن مستحيل تحلها اذا ماطبقت وذاكرت عملي .. ف ذاكروا كل شيء عشان تضمنوا الـA+ مش صعبة .

- مهارات الاتصال / COMM101

المادة هذي زي الحلاوة, بس لاتتهاونوا فيها اعطوها حقها .

المادة تعتبر ترويح عن النفس وتغيير جو .. جداً ممتعة.

حيكون فيها تكاليف عليها 30 درجة بيد الدكتور , و طبعا مافي دوري أول في هذي المادة.
التكاليف مختلفة زي مثلا كتابة سيرة ذاتية وكتابة مقال ورسالة وحاجات بسيطة.


تقسيم الدرجات فيها :
30 تكاليف
30 دوري ثاني ( حتختبروا في أول 3 شباتر )
40 فاينل ( الفاينل على المنهج كامل )

///

و بس بكذا اكون خلصت, اتمنى اني افدتكم ولو بحاجة بسيطة ,, دعواتكم لي ب التوفيق

و ان شاء الله نشوفكم دكاترة ومهندسين أد الدونيا

[رآمـــآ]

يعطيكك الف عافية :)

[وجدان !]

يعطيك الف عافية .. كلآمك سليم ..

واحلى شي بالمواد .. ان يها بونس 10 درجات

ماقصرت أخوي كفيت وفيت .. جزآك ربي الجنة ..

[ReRe.H]

يعطيك العافية ومبروك عالـ a+
كلامك صحيح ما ازيد عليه شي ابداً ( الوورك شوب في الماث + اسئلة سنوات سابقة في الفزكس )
أهم شيئين بجد انصحكم فيهم !!!

وبالتوفيق للجميع

[اتحادي منتظم]

اللهه يجزآك آلف خير ونتقابل في الطب يارب اذا ربي كتب

[7to0m]

المشاركة الأصلية كتبت بواسطة رآمـــآ يعطيكك الف عافية :)

الله يعافيكك

[7to0m]

1

المشاركة الأصلية كتبت بواسطة وجدان ! يعطيك الف عافية .. كلآمك سليم .. واحلى شي بالمواد .. ان يها بونس 10 درجات ماقصرت أخوي كفيت وفيت .. جزآك ربي الجنة ..

الله يعافيكك

من ناحية البونس عندنا احنا الاولاد ,, اعطونا 6 درجات في الفيزياء
و الرياضيات الى الان مانزلت الدرجات لكن في كلام انو حيكون في بونس 5 درجات :)

لكن لحد يعتمد ع البونس شد حيلك وخليك في السليم دائماً
//

امين يآرب " وياكك

[7to0m]

المشاركة الأصلية كتبت بواسطة rere.h يعطيك العافية ومبروك عالـ a+ كلامك صحيح ما ازيد عليه شي ابداً ( الوورك شوب في الماث + اسئلة سنوات سابقة في الفزكس ) أهم شيئين بجد انصحكم فيهم !!! وبالتوفيق للجميع

الله يعافيكك

//
يب هذي هيا
( الوورك شوب في الماث + اسئلة سنوات سابقة في الفزكس )

,

[7to0m]

المشاركة الأصلية كتبت بواسطة اتحادي منتظم اللهه يجزآك آلف خير ونتقابل في الطب يارب اذا ربي كتب

بإذن الله وبتوفيقه
حتشوفني قدامك