هنا تجمع طالبات الانتظام لمناقشة الجداول والاستاذات ^_^

[Loveless]

السلام عليكم عندي كم استفسار :

اولاً ابغى اسأل عن فكرة لائحة الانتظار بكل مادة ، دحين قفل التسجيل المبدئي اتوقع اذا ما كنت غلطانه و فيه مواد بقائمة الانتظار ! ايش وضعها؟

و كمان بسأل عن دكتورة سناء سالم في مادة مناهج بحث !! كيف !! و ايش تكليفها بالزبط و كيف تعاملها في الدرجات !

و عن استاذة اميرة الزين ! ايش تكليفها و كيف اسلوبها و تعاملها !

و عن استاذة ماجده ياريت توضحيلنا التكليف مزيوط هي 3 تكاليف بس ايش بالزبط !

و شكرراً مقدماً :)

[جنى الشريف]

المشاركة الأصلية كتبت بواسطة loveless السلام عليكم عندي كم استفسار : اولاً ابغى اسأل عن فكرة لائحة الانتظار بكل مادة ، دحين قفل التسجيل المبدئي اتوقع اذا ما كنت غلطانه و فيه مواد بقائمة الانتظار ! ايش وضعها؟ و كمان بسأل عن دكتورة سناء سالم في مادة مناهج بحث !! كيف !! و ايش تكليفها بالزبط و كيف تعاملها في الدرجات ! و عن استاذة اميرة الزين ! ايش تكليفها و كيف اسلوبها و تعاملها ! و عن استاذة ماجده ياريت توضحيلنا التكليف مزيوط هي 3 تكاليف بس ايش بالزبط ! و شكرراً مقدماً :)

وعليكم السلام .. منور الحته ..

في موضوع مثبت بمنتدى المنتظمين عن فكره لائحه الانتظار شوفيه هناك .. بس ترا شكله مامنه فايده مثل اعتمادهم الأكاديمي الملطوش ..

المهم نرجع لمحور حديثا ..

دكتوووره سناء سالم يا حبيييييلها شوفي هي طيبه جدا مرونه في التعامل مثل امك وتعاملنا مثل بناتها .. ماتحب السماجه الواجده .. ماتحب الكلام بالمحاضره تعصب ... شررررحها قمممممممه قمممممممه قممممممممه تطلعين من المحاضره وانت فاهمه كويس وتخلصين الماده وانت فاهمه وش هو مناهج بحث مامر علي مثلها اسم الله عليها ... الدوري الأول مقالي وموضوعي اللي تذاكر تحل ما اقولك صعبه بس يعني تحب تسأل في الاشياء المهمه اللي تلخبط .. الدوري الثاني موضوعي ويكون سهل بس يبغاله مذااااكره من قلب مو تقولون موضوعي مشي حال المذاكره لان المناهج يلخبط ولا جاك موضوعي يحير اكثر واكثر .... النهائي موضوعي يكون متوسط مائل الى الصعوبه بس لو ذاكرتوا زين تحلون وتجيب كم سؤال فيها لفه ... وتعطي كل وااااحد حقققققه لاتزيد ولا تنقص .. بونس ما بونس مافيش ..

التكليف حسب كل ترم تغير لانه البنات يتبادلون التكاليف وهي تنزعج من هالحركه .. اهم شي بتكليفها تراجعينها كل ماخلصتي جزء من التكليف وتورينها وتعدلك اغلاطك وتورينها وكذا وكذا لييين تقولك اطبعيه وتعطيك الدرجه الكامله اما اللي مايسألون تنقصهم لو شغلهم ناقص ولو كامل تعطيهم حقهم بس مراجعتها افضل ..

دكتوره اميره الزين جديده .. سودانيه يقولون ... تعاملها سلس اسئلتها موضوعيه بس للحين ما اعرف كيف سهله صعبه ننتظر المجربااات ..

دكتوره ماجده ياحببتي الفخ اللي لازم نقع فيه بالمعرفي موقعه معاه عقد احتكار .. المهم هي مو شينه والله بس يبغاله تذاكرين زين والمعرفي مو صعب اشوفه متوسط حلييييو يعني فصوله مو كثيره يقدر الواحد يذاكرها اول بأول ويجيب درجه حلوه فيه ... واسئلتها مقالي وموضوعي نص ونص تحب العددي والشرح بس تعطي درجات اهم شي توصلين الفكره الصحيحه وتمشي بالتصحيح ..

التكليف بتاعي على ايامي .. كان تقرير عن تشتت انتباه طالبات السنه التحضيريه ولازم يكون فيه بنود التقرير واعطتنا اياه ... تقرير عن قائمه بالأطعمه المفيده لطلاب المتوسطه .. تقرير عن صعوبات التعلم وكلها لازم تكون من 10 صفحات ... ولازم تكون مرتبه بمراجع ومعلومات مفيده .. فيه بنات كان تكليفهم غير يعني نفس الشعب كل مجموعه غير ... ولا تشيلون هم التكليف سهالات ..

يارب اني افدتك قد ما اقدر اي سعال لا يردك الا الكيبورد ..