ضاع التيرم وفلوسه معاه

[خوخه]

السلام عليكم ورحمة الله وبركاته
ياريت اللي عنده خبره يفيدني
اختي دفعت حق التيرم اللي فات وما قدرت تاخذه واجلته
هذا التيرم تدفع ولا حق التيرم الفات بتنحسبلها
ردولي الله يرضى عليكم
واذا نبغى نشوف هذا الموضوع فين نروح في الجامعه اي مبنى واي قسم
والله يديكم العافيه

[غـزلانـ]

وعليكمـ السلام ورحمه الله وبركاته..

اتمنى افيدك خوخهـ..

بس لابد تراجعين بكليتك وتفهمينهمـ عن الوضع وشوفي وش يقولون..

وان شاء الله ماتضطرين تدفعين..

بس كان المفروض تخبرينهمـ عشان يكون عندهم علم..

انت روحي واسألي والله يعينك..

ولو احتجتي شئ انا بالخدمهـ..

والله يوفقكمـ..

[الزغدي 1982]

الي اعرفه انها تراجع خدمة المجتمع والتعليم المستمر يعني ما راح شي بالتوفيق للجميع

[أبوفهد1]

المشاركة الأصلية كتبت بواسطة خوخه السلام عليكم ورحمة الله وبركاته ياريت اللي عنده خبره يفيدني اختي دفعت حق التيرم اللي فات وما قدرت تاخذه واجلته هذا التيرم تدفع ولا حق التيرم الفات بتنحسبلها ردولي الله يرضى عليكم واذا نبغى نشوف هذا الموضوع فين نروح في الجامعه اي مبنى واي قسم والله يديكم العافيه

إذا سددت رسوم النصف السنه الأولى من هذه السنه ثم بعد ذلك سحبت الترم .. سوف يبقى الرسوم للنصف الثاني من هذه السنه وسوف ينزل الجدول لها .. وإذا لم ينزل الجدول إلى الان لابد تراجعين الجامعه او عن طريق المعاملات الاكترونيه للطالب ..

ابوفهد

[البرنس 2010]

عادي ماتدفع الترم هذا لأنها دفعت الترم اللي راح وينحسب لها عن الترم هذا عشانها حذفت الترم
خليها تشيك على الجدول اذا مانزل ترسل معاملة إلكترونية للجامعة وإذا مانفع الله يعينها تراجع الجامعة
أرجو أن أكون قد أفدتك وإن شاء الله الإخوان ما يقصرون معاك

[fna]

كلم عمادة حدمة المجتمع او رح لهم وقل لهم ابي ارحل المبلغ من الترم اللي فات لأني معتذر الى الترم هذا

وفلوسك ماراح تروح ان شاءالله

وفي حل ثاني


ارسل لهم معامله الكترونيه فيه خانه اتذكر عن السداد اشرح لهم وضعك


بالتوفيق

[خوخه]

السلام عليكم ورحمة الله وبركاته
الله يريحكم زي ما ريحتوني ويفتحها بوجهكم دائما وابدا
وجزاكم الله الف خير والله ما قصرتو

[gardenia]

السلام عليكم ورحمة الله وبركاته..

حبيبتي خوخه لاتقلقي أبدا ولاتشيلي هم بإذن الله أختك راح تكمل دراستها هذا الترم على خير

بدون ماتدفع لأنها دفعت الترم الماضي وإعتذرت صح ولالاء؟؟

وهذا حبيبتي شي عادي جدا لأني أنا كمان الترم الماضي إعتذرت وكتبولي في أوديوس:

(منقطع عن الدراسه دفع تكاليف الدراسه)..

ولما بدأالترم كتبولي (مستمر في الدراسه )!!

لكــــن أنا الحين قاعده أستنى ينزلولي الجدول ولو مانزل ليوم السبت راح أتصل عليهم بإذن الله

وأقولهم إني دفعت والمفروض ترحلولي الرسوم لهذا الترم وربي ييسرها علينا وعليك بإذن الله وبالتوفيـــق..

[][_ غــــــيــــــر _ ][]

وعليكم السلام ورحمة الله وبركاته ...

لتغير حالتك الدراسية الى طالب مسدد اذا كنت قد اعتذرت بعد قيامك بالسداد

اتصل بعمادة خدمة المجتمع والتعليم المستمر بحكم انها جهة الاختصاص في الجامعة

على الرقم التالي : 026952000 واشرح وضعك باختصار للموظف ليتم تفعيل حالتك الدراسية الى طالب مسدد ..

[الاموره]

طيب ينفع الواحد يعتذر قبل مايسدد؟؟