ودي اغير لون غرفتي بنفسي

[L.H]

مساء الخير .

أنا نفسي أغير لون غرفتي بنفسي
ودي أعرف الطريقة الصحيحة لضرب البوية
وأفضل انواع الدهانات
وايش الخطوات و الادوات
واحتاج اشيل لون البوية القديم .

[A.r.s]

تقشري البوية القديمة ماعدا الأجزاء الصلبة جدا منها وبعدها تدهني المعجون وتتركيه ينشف وبعدها فوقها البويه

اهم شي المعجون يترك لمدة يوم لينشف

[L.H]

شكرا
طيب اقدر اضرب بويه بدون ما اشيل البويه القديمه
ايش افضل انواع البويات (الدهان )

[أبو فاتن]

هلابك أختي
أتوقع صعب عليك إذا كنتي تبين شغل عدل
لأنك بتحتاجين عدة خطوات منها
إزالة البويا القديمة وهذي لها عدة طرق إما بالتقشير بالسكين الخاصة بعمال البويا أو إزالاتها بمادة كيميائية وهذي حتى عمال البويا يتحاشونها لأنها خطيرة ومتعبه لهم أو بالطريقة الأخيرة وهي حرق البويا بالنار وبعد مو كل أحد يضبطها إلا عامل يكون محترف وعارف شغله زين
الخطوة الثانية تدخلين على مرحلة التحجير وهي بالعامية إنك تحكين جدار الغرفة بقطعة حجر خاصة بأعمال البويا والدهانات ( فائدتها .. تساوي لك الجدار وتشيل أي زوائد فيه ومنها تنعيم للجدار )
الخطوة الثالثة تدخلين على صنفرة الجدار بقطع الصنفرة ( مثل الوق المقوى جهة ناعمة وجة خشنة ) وبرضو تحكين فيها جميع جدران الغرفة
بعد كذا تدخلين على مرحلة التأسيس وهي صبغ الجدران ببعض المواد مثل الفتونايت والمعجون والسلر ( السلر الأفضل يكون سلر كيماوي عشان تضمنين عدم ظهور أي ألوان سابقة ويحمي جدار الغرفة من إمتصاص الأسمنت للرطوبة والملوحة اللي غالياً ماتسبب تقشرات في البويا
بعدذ كذا تدخلين على المرحلة النهائية وهي دهان الغرفة باللون اللي تبين
طبعاً من أفضل البويات اللي بالسوق حالياً الجزيرة بعدها جوتن

أنا عارف إنك الحين كرهتي تغيير لون غرفتك بعد ماشفتي كل هالبربرة بس هذا إذا تبين شغل عدل أما إذا كنتي تبين شغل مشي حالك ماعليك إلا إنك تجبين جالون بويا من أي شركة ذكرتها لك وتختارين اللون اللي تبين وتاخذين من عندهم ( رولا ) وتشمرين عن ساعديك وقدميك ( ويفضل تلبسين شماغ عشان شعرك ) وبسم الله


صورة الـ ( رولا ) للدهان

[J o O o K i]

اتفق مع رد وتعليق ابو فاتن 100%
وحاب اضيف على رده بعض النقاط
شراء لفه او لفتين كيس نايلن حسب مقاس وطول اللفة لتغطيه الارضية و قطع الغرفة وايضا المكيف وايضا شراء لزق ( شطرطون ) ورقي لتغطية مفاتيح الانوار والمكيف وحواف الشباك

طبعا اذا كان في عفش بالغرفة يفضل اخراجها من الغرفة وان ما قدرتي جمعيها في منتصف الغرفة وغطيها بكيس النايلين

وترى الشغله مهي سهله اذا تبغي شغل نظيف

[L.H]

شكرا على النصيحه
بصراحة خفت مع أني كنت متحمسه للشغله
فيه ناس كاتبه تجاربها في تغيير لون غرفها بنفسها
بس خلاص بطلت بروح محل دهانات واحجز
أحد يسوي لي الغرفه
مع أني خبيره في تركيب وتصليح الاشياء
في البيت الكهربائية وغيرها