ياشباب تبون اختبار المنطق يصير ب300

[الرسام ابوعساف]

ياشباب كلمت المنسق في وزراة التربيه والتعليم موظف عندهم ويقول لنا القدره ولا عندنا اي مانع نحط في كل حي مدرستين للاختبار وحده لجامعة الملك فيصل والمدرسه الثانيه لجامعة الملك عبد العزيز

ياشباب اللي ماله رغبه ومافيه جديه لا ي يدخل وحنا بنخدمة الرجاء عدم اخذ الموضوع باستهتار من قبل بعض الطلاب اللي الله ميسسر امورهم الماليه


مجرد مشاركه ( ما ندري حنا ناكل والا نأكل عيالنا والا نسدد العالميه تصدقون الشهر اللي ادفع فيه للعالميه 1000ان عيالي ينحرمون الطلعه عشان امشي الامور لاخر الشهر)

[أبوعبدالله العامر]

انا معكم .. حددو المكان والزمان وكل شي
خربانه خربانه .. الترم اللي راح هلكنا الحر .. والترم هذا تمشي وتوخر عن زقان القطاوه اللي يكرمكم
عزموا بس وانا معكم .. قداااااااااااااااااااااام على البيبان هههههههههههه

[الفقير إلى مغفرته]

اسمح لي يالرسام عساف انا اخلافك جداً الحين بدل ماتقول الله يوفق الدكاترة وموظفيين الجامعة الإداريين الي جو من جدة عشاننا للسنة التحظيرية وكليتي الآداب والاقتصاد تقول خل نسوي مظاهره، ياخي تكلم بمنطق الله يجزاهم خير وفروا علينا السفر والمرمطه لجدة ورسوم السكن والمواصلات والغسيل والأكل وغيره، تجي تعترض، تدري انا وش كان نفسي اسوي والله اشكر إدارة اختبارات المناطق الي هنا، مو اتشمت فيهم، الا الله يجزاهم خير على جهودهم وصبرهم وسفرهم والمشقه، لو تبي تتكلم بمنطق خلي رسوم تسجيل الانتساب تخفض من 3000 إلى 2500 في هذه انا مؤيد بشده، لاتنسى مصاريف سكن الدكاترة وأجور المراقبيين الي هم متعاونين سواء من معهد العالمية او من برا، ولاتنسى إجار الصالة وسيارات الإجار تبع الدكاترة ومسؤوليين الجامعة الي جو من جدة والتذاكر وغيرها، انا داري بيجي واحد ينط ويوقف في حلقي، ولكن جيتهم للرياض وتعبهم تستاهل ال1000 بالراحة وانا مع تخفيض رسوم الانتساب الى 2500، النقد الي انتقده بشدة وشي يعصبب بصراحة معهد العالمية، اشلون لايوجد شبكة ايش هالتخلف طفرانيين يستقدمو جهاز صرف آلي، وحتى موظفينهم المصريين سيئيين جداً وغير راقيين ابد.

[الشبوي بلس]

يا اخوان كلام ابوعساف سليم ميه بالميه لكن مو مطاهرات الكلام مع رئيس اللجنه نبيه يجاوبنا علي سؤال واحد وش الفرق بينا وبين ذلاب الانتساب فالجامعات الاخري اقل رسوم وبدون وسوم مناطق اذا مافيه جاوب نروح ديوان المظالم والله لو 20 طالب يرفعون قضيه تاخذون حقكم لكن حنا مانعرف ناخذ حقوقنا بأختصار عموما لنا كلام مع رئيس اللجنه الاربعاء بمنطقيه وحوار راقي

[بوراشد]

نجتمع ليش لا
صراحه الف ريال صراحه تهز الواحد

3 الاف ريال اقعد ادخر من راتبي الشهري عشان اسدد الرسوم

[سعوط المجنن]

أخوي الفقير الي مغفرته
ترا الناس موتعبانه صدقة لك او غيرك وبعدين كم عدد الدكاترة 6 كم الانتداب حقهم
وبعدين الصالة مستأجرتها العالمية من ظهورنا والمتعاونين موظفين العالمية يعين يعطى
راتبة ولا يكثر .
وبعدين لاتقيس الامور ع نفسك يجب ان نكون الواحد للكل والكل للواحد كذا الوطن يتقدم
مع الاحترام والتقدير للجميع

[fahad 111]

انا معكم بس تخيلوا اشتكينا والغوا اختبارات المناطق الترم الجاي ؟

بدل ما ندفع 1000 ريال بنخسر اقل شي 5 الاف ريال للسفر لمدينة جده ، غير تعب السفر والمرمطه

اتمنى المطالبه بتحديد رسوم الترم على حسب عدد المواد ، مثلا يكون سعر المادة 300 ريال ، مثل ما هو معمول به في جامعة الامام محمد بن سعود

لانه غير منطقي سواء نزلت مادة او نزلت 6 مواد ادفع 3000 ريال ؟!

[الشبوي بلس]

انا متأكد مراح نطلع بنتيجه معهم ولكن نهزهم شوي اذا معرمين نجتمع يوم ونرةح ديووووووان المظالم ونرفع شكوى ومن ابسط حقوقنا نشتكيهم الدعوه فوضى كلام فهد منطقي المفروض ع الماده300 والمناطق بلاش اسوة بالجامعات الاخري

[معيض الحسيني]

تكفون ناقشوهم بهدوء وأدب لانهم لو ألغوا اختبار المناطق بانسحب الترم الجاي.. ظروفي الأسرية ما تسمح لي اغادر الرياض

[عبدالمجيد*]

شدو حيلكم بالاختبارات وبعدين بالنسبه لاختبار المناطق ريحنا كثييير اول كنت اخسر اكثر من 1000 وانت عارف بكم السكن بجده غير التذاكر والاكل والمواصلات ووو.


سبحان الله وبحمده