فرصتي ف القبول السنة الجاية ؟

[Osama_10]

السلام عليكم


كيف الحال للجميع ؟ وكيف الجامعة والسنة التحضيرية معاكم ؟

ان شاء الله كلو تمام



إخواني أخواتي محتاجة مساعدتكم لو سمحتم


انا من المدينة وادرس سنة تحضيرية ف جامعة طيبة
سارتلي ظروف واحتمال كبير اسحب

الخطة انو اقدم السنة الجاية ف جامعتكم من جديد


سؤالي هل قبولي مضمون ؟!!!

نسبتي الموزونة الثلاثية ( ثانوي - قدرات - تحصيلي ) = 90 ٪


أرجوكم ي اهل الخير أفتوني ب اسرع وقت ممكن

[Osama_10]

طبعن المسار العلمي
ف الفرع الرئيسي او شمال جدة

هل فرصتي كبيرة !
لان نسبتي مرتفعة الحمد لله نوع ما

وكفاية دي السنة راحت عليا

..

[الهيملي]

طبعاااااااااااااااا


أنا دخلت السنة هذي بنسبة 89 ومن أول المقبولين ومن برى جدة كمان لا تشيل هم من ناحية القبول.

بالتوفيق إن شاء الله .

[Chocolate-cake]

انا دخلت بنسبة 86%
في السليمانة ومسار علمي
تدخلي بالراحة ان شاء الله
بالتوفيق

[Osama_10]

الله يجزاكم الجنة ي رب

ريحتوني والله كنت شايل هم

دعواتي لكم ب التوفيق

[Osama_10]

بس انا قصدي

انو لا تكون فرصتي ضعيفة عشاني سحبت من جامعة قبلها
وانو ح اكون اكبر من اللي راح يقدمو السنة الجاية معاهم واني من خارج جدة


دي الظروف تأثر ؟

[همي أمتي]

اولا ماشاء الله نسبتك عالية فان شاء الله حتدخل بالراحة واتوقع كمان تكون في الفرع الرئيسي عشان انا بالشرفية ثانيا ما اتوقع ياثر لانو في بنت اعرفها سحبت ملفها ورجعت سجلت من جديد وانقبلت ماشاء الله بالتوفيق للجميع

[البـرنـس]

مآآشآء الله نسبتك الموزونة مرة حلووة

تنقبل من أول يوم بعد

هالسنة تقريبآ أقل طالب قبلوه كانت نسبته الموزونة 80 % أو 81%

موفق

[iDoaa]

ما شاء الله نسبتك كويسة .. وان شاء الله تدخل بالراحة ..
لكن هذي السنة على حسب علمي طبقوا نظام المناطق في القبول بمعنى انو حددوا موزون معين لقبول الطلاب من خارج منطقة مكة ..
هذا الي اعرفوا تقدر تبحث وتعرف اش هي الموزونة الي وقفوا عندها بالنسبة للطلاب ..
والله يكتبلك الي فيه الخير :)

[Osama_10]

اللي عرفتو انو دي السنة حدود للي خارج منطقة مكة المكرمة نسبة 87٪
يعني اذا استمر السنة الجاية كذا انقبل ان شاء الله ؟
ساعدوني رحم الله والديكم