وان ضاقت ستفرج باذن الله

[Chocolate-cake]

السلام عليكم ورحمة الله وبركاته

قال تعالى ﴿ فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا ﴾

اول شي موضوعي كنوع من التحفيز للمذاكرة للنهائي بما انه قربت الاختبارات
قريت كثيرررر بالمنتدى ناس يبغو يسحبو وناس تحطمو من الدرجات واعرف بنات ماصارو يداومو حتى قبل ماتجرب وتختبر الدوري الاول
طيب ليش ؟!
كلنا واجهنا صعوبة بالبداية
بس اللي استسلم هذا انسان ضعيف لانه ماقدر يواجه ابسط الصعوبات
الحياة من لما نولد لين نموت مو بس اكل وشرب لو ماكان فيه ضغوطات وايام صعبة تواجهنا ما كان حسينا بقيمة الشي اللي نوصله
ليش ماناخذ اخطائنا دافع لنا ونحاول نصلحها .. كثيررر سمعتهم بعد درجات الدوري الاولى تحطمو وماذاكرو للثاني او ذاكروه قراءة !
طيب ليش انا درست 12 سنة عشان يجي اختبار ممكن اقدر اعوضه يحطمني ويهدم طموحي !
تقريبا اغلب اغلب الدفعات في التحضيري في البداية لازم صعوبة بس هذا الشي مايخلينا نستسلم وخلاص .. لان زي ما واجهو صعوبة فيه كثيررررر قدرو يجيبو الفل مارك ودخلو اللي يبغوه بالاصرار
احنا مو ناقصين عنهم شي اكيد نقدر نجيبها بالتوكل على الله واخذ الاسباب والمذاكرة
واللي تحطمو من درجاتهم اقولهم تفائلو خير وابداو ذاكرو من الان للنهائي
والله ما بيضيع حق احد ممكن نقص الدرجة ياثر على معدلك فيدخلك تخصص يمكن ماكنت تبغاه بس اكيد الله كاتبلك الخير فيه وممكن تبدع فيه وتحبه .. فكما هي طبيعة الحياة , بعد الظلام نور وبعد المغرب شروق وبعد المرض عافية وحتى بعد التعب راحة
وتذكرو دائما قول الله تعالى
﴿ فَعَسَى اللّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ ﴾


وفي الختام
وان ضاقت ستفرج باذن الله

[dracula20100]

اهنيك على الموضوع الرئع

[رهآمم]

-



رببببي يسعدك على هذا الكلاام وينور دربك ..
كلام سليم 100٪

[Z8rRt]

موضوعك جداً جداً رائع ، وكلامك عين العقل والله

وبصراحه المفروض ما نتحطم بمجرد أننا خبصنا بأختبار أو واجهنا صعوبات ، لان الهدف اللي راسمه لنفسك مستحيل توصله بكل بساطه وسهوله ، لازم تواجه عقبات وصعوبات وهذي كلها تحديات لك ، لأنك لو فعلاً مصرّ وفعلاً تبي توصل لهدفك ، بتتجاوز كل شي يواجهك حتى توصل لمبتغاك

اللي أبي اوصله من كلامي ، إني انا كنت من الأشخاص اللي يبون يسحبون على الجامعه في الدوري الأول ، وواجهت صعوبة بالمواد بشكل غير طبيعي ونفسيتي صارت جدا سيئة يعني متحطم بشكل غير طبيعي ، لكن جلست مع نفسي وفكرت بمستقبلي وفكرت بالاهداف اللي كنت احلم فيها من ايام المتوسط والثانوي ، فقمت صليت لي ركعتين وشديت حيلي واستلمت المواد اللي كانت علي الدوري الأول والحمد لله جبت درجة جدا حلوه ، وبالدوري الثاني رغم بعض الصعوبة في ماده الفيزياء ، الحمد لله جبت درجة حلوه ، وانا فخور بنفسي وفخور بكل واحد صار له مثلي وتحدا نفسه وتحدا كل شي يواجهه ليوصل لهدفه

هذا اللي حبيت اقوله والف شكر لكي على موضوعك الرائع , واعذروني على الاطاله

والله يوفقنا واياكم ، ويحقق لكل شخص مبتغاه

[ReRe.H]

جزاكِ الله خير ونفع بكِ
احوج مانحتاج اليه هذه الأيام مثل هالكلام التحفيزي الرائع
الله يسعدك ويوفقك ويسهل دربك والجميع ان شاء الله
من جد لا تستهينوا بالكلام والله انه يأثر بشكل ايجابي على النفس

[Chocolate-cake]

اممممممممممممين يارب
بالتوفيق للجميع