إشتكيت دكتور و خآيف اروح فيهآ !

[Marwan alHarbi]

السلام عليكم كيف حالكم شباب

القصة وماهي بعد اختبار الفيزياء التعجيزي روحت اليوم باشوف الدرجة ورحوت استفسر من عميد الكلية فجأة لقيت عندهه كم طالب يشتكون من الاختبار قلت ي سسسلامم ودخلت في الهرجةة
طبعآ كل واحد كان لهه وجهة نظر اللي معاية كانو يقولون الاسئلة صعبةة و انا كنت اقول ان الاسئلة مو على مستوى شرح الدكاترة اساسا ولا الطلاب اللي يدرسو عند منسق المادة جابو درجات حلوة لا و كمان طلع منسق المادة يقول لطلابهه قبل الاختبار راح تجيبوو العيدد !!!
المهم قلي الدكتور ايش المشكلة قلت له دكتوري سيئ في الشرح ولا جا اي شي من اللي قاله وهوا مهمل كثثير غياب ويجي متأخر كمان يسب في الشعبة حقتنا عند الشعب الثانية !
المهم قلي ايش اسمه قلت له فلان فلان , فجأة العميد تنرفز وعصب وراح يدق ع الدكتور انا رحت فيها جبت العيد
على طول سحبت نفسي من الهرجة وروحت البيت
كمان بعد ماطلعت قابلت الدكتور سليمان جمال المصري دكتور محترم و اخلاق يقلي لازم كل الطلاب يتكلمون و يقلي راح يسمع لكم العميد زي كم دفعةة سابقة ويحاول يعيد الاختبار او يشوف حل.
هل من الممكن أنه يستقعد لي الدكتور !؟! او مايعطينني بونس ؟! اقول فنفسي ليش اشتكيت كان مشيتها بس و الله جبت العيد في الاختبار و انقهرت وذا كلام اكثر الطلاب .
تتوقعون يستقعد لي ذآ الدكتور ؟!

[أبوسراج]

كيف راح يعرف الدكتور اصلا انه انت اللي اشتكيت
لا ان شاء الله مافيها شيئ ولا تخاف

[Marwan alHarbi]

^ مدري يمكن يواجهني العميد معاهه بس ترى و الله العميد مرة متفهم بس مافي طلاب كثير بيشتكون ولا نخليهم يعيدو الاختبار ولا يزيدونا درجات , انا اليوم واحد يقلي سار زي كدا فسنة اخوهه وراحو اشتكو طيرو المنسق وعادو الاختبار

[DOCTOR.]

صراحة يا شباب
انا شفت درجات الطلاب كلها تعبانه مو شوية مرة تعبانه
ياريت يشوفون لنا

[ابوطالب الشريف]

انا 11 شكلي بشيل الماده

[Khalid1993]

تصدقون اللي جايبين 30 .. 7 طلاب فقط !
واللي جايبين فوق 25 .. 30 طالب تقريبا !

[سكاg]

انت سويت الصح الي المفروض كلنا نسويه

ليش الدوري الاول ما صار زي كذا هذا دليل ان المشكلة مو فينا !!

[Marwan alHarbi]

^ ع فكرة انا كلمت العميد يقول لازم تجيبون خطاب باسماء الطلاب المعارضين واحنا نشوف الدرجات ادا كلامكم صح راح نعيد لكم الاختبار او نزود لكم درجات , و احتمال يطيرون الحازمي بكبره المشكلة لو سكتنا راح يشتغلنا ف النهائي كمان 40 سؤال تعجيزيةة !!! و الله الوضع ماينسكت عنهه حصلت دي قبل سنتين اشتكو الطلاب ع منسق المادة وطيروه من يومها على طول بكرة راح يعلقون الدرجات اللي يبغى يحط اسمهه ف اللستة يحضر عند مبنى كلية العلوم طلاب كثير راح يتجمعون ويشوفون محتاجينن اسماء كثيرة كم طالب ماتكفي !!

[Faisal Al-Zahrani]

انا خطة ب
بجي احتج معكم ونسوي مضاهره

[khalid al]

مصدر موثوق جدا جدا جدا

سيكون هناك بونس من 5 درجات الى 10 درجات

يعني في اسوء الحالات بيكون الزياده 5 درجات

ثانيا راح يكون الاختبار النهائي سهل جدا ومثل الاختبار الدوري الاول

الكلام الي فوق جدااااااااااااااااااااااا موثوووووووووووووووووووووق