محطمة .. محتارة .. قولوا لي ايش أسوي [اللي عندهـ/ــا وقت يدخل]

[HU~]

قبل كل شي الإختبار مو يوم الأحد !!!!!!!!
الإختبار بكرة يوم السبت !! انتبهي لا تلخبطي @_@"
و دحين بما إنّك مو فاهمة حاجة في الرياضيات و كتير يمدحوا في جمال السعدي
فأمكسي ملخصّاته و لو عندك وقت مرّي على الكتاب شوفي أفكاره !!

اتوكلي على الله و صدّقيني كلنا بنمر بنفس حالتك :") الله يعوضنا خير يارب!
و لسّة قدامك فرص كثيرة شدّي حيلك من دحين باقي تقريباً 3 أسابيع على النهائي..
كل أسبوع أمسكي مادة و ختّميها !!
و زي ماقلتي الترم التاني حتتمخمخي على المواد ال3 اللي باقيتلك
و حيكون عندك وقت فراغ كتير و إن شاء الله حيمديكي تستغليه بأحسن صورة
و تجيبي الفل مارك بإذن الله تعالى !
لا تيأسي و اتفائلي ..
دايماً أدعي ربنا و قولي "حسبنا الله سيؤتينا الله من فضله إنّا إلى الله راغبون"
أحتسبي الأجر في كل مادة تذاكريها قولي يارب وفقني و نجحني وسهّل عليَ
عشان أدخل التخصص اللي أبغاه واللي من خلاله رح أفيد نفسي و المجتمع و ديني قبل كل شي!

و ترا التبلد مو بس فيكي انتي لو تشوفيني ساعة اذاكر و ساعتين اتلهي في أي حاجة
بس تعرفي ايش مصبرني؟
الإجازة أم 3 أسابيع اللي جاية .. حأطلع فيها كل الكبت و افرفش
و كمان الترم التاني أنا زيك إن شاء الله محايكون عندي إنجليزي
فمرة مبسوطة و قاعدة أمشي حالي الشهر دا بالطول و العرض قد ما أقدر !!
يارب مشاعري وصلتلك ..
شدي حيلك احنا مرينا بهم كبير لين مادخلنا الجامعة
و باقي بس دي السنة حتى باقي بس ترم!
و ندخل الحاجة اللي نحبها و نبغاها إن شاء الله يعني هانت هانت !!

الله يوفقنا كلنا يارب ويسهل علينا
و يدخلنا التخصصات اللي نبغاها يارب يارب :")