لجميع الاعضاء اتمنى افادتي عاجلا

[وهج الشموووع]

انا طالبه منتسبه وباقيلي مادتين اساسيه وماده حره والبحث بس حصلتلي ضروف وتاخرت في السداد ونزلت جميع ماتبقى ليا من مواد بس مشكلتي البحث انضاف مع هيام وانا احس الوقت متاخر وخايفه انه مايمديني اللحق اسويه واتمرن قلقه لابعد حد ابغى افادتكم هل احذف البحث واخليه للترم الجاي ولا تشوفوا انه في وقت ؟؟؟! وهل اذا تركت البحث والتدريب لوحدها السمستر الجاي مو لازم ادفع 3000 حق الترم هل هاذي المعلومه صحيحه افيدوني الله يسعدكم انا تايهه واسفه اطلت عليكم

[روعة الكون]

حبيبتي اتوكلي على الله ورتبي افكارك اول حاجة تعمليها اختاري 3 مواضيع تحسي انك راح تقدري تعملي بحث فيها

وعلى طول روحي للجامعة وقابلي الدكتورة واعرضي عليها المواضيع وهيا راح تختار منها واحد عشان تبتدي بيه وكلميها على التدريب ممكن تتدربي في نفس الجامعة كلميها خليها تساعدك بأسلوب طبعاً وهيا حتقدر وضعك قبل دا كلو لازم تطبعي نموذج التدريب من النت تجي 3 اوراق وتاخديها معاكي للجامعة عشان يكون مشوار واحد الدكتورة راح تختملك عليها وتقولك انزلي عند وكيلة الكلية تختمها كمان وشغلة ماتاخد دقايق وانتي واقفة المهم لو كنتي تخرج لاتنسي شغلة مهمة انك تروحي عمادة القبول وتاخدي ورقة طلب تخرج وتروحي لكليتك عند المسئولة ويكون معاكي صورة من هويتك وجوازك لو عندك وهناك راح تطلبك تعبي البيانات وتسلميها الأوراق عشان امورك تمشي بالنسبة للتخرج
الأهم من دا كلو لاتنسي تاخدي رقم الدكتورة عشان تتواصلي معاها وكمان دوري في المنتدى مواضيع وقروبات البنات الي ماخدين مادة البحث عند هيام راح تستفيدي مرررة
معليش كترت كلام بس والله حابة اساعدك وافيدك انتي واي طالبة تانية لأني قبل شهر كنت اتمنى القى احد يفيدني بنفس المعلومات ويختصر عليا 100 مشوار بمشوار واحد ادري اني دخلتلك في موضوع التخرج وانتي ماسألتي بس حبيتك تخلصي امورك وتكوني على بينة وتدعيلي دعوة حلوة :)
واي سؤال انا حاضرة للعلم انا زيك للان غرقانة لشوشتي في البحث لكن الفرق انو ربي وقعني في دكتورة بعيد عنك ماتتمنيها لعدوك لكن حسبي الله ونعم الوكيل فوضت امري لله هوا حسبي
ايوا صح لاتنسي كمان تطبعي كشف درجات كامل من الأودس من اول فصل لكي في الجامعة لحد الان عشان لما تروحي للمسئولة وهيا غالباً عبير المطيري كلية الأقتصاد راح تديكي ورقة فيها اسماء المواد ورموزها وانتي تطابقيها مع المواد الي درستيها وعدد الساعات وبكدا تكون كل امورك تمام التمام
وتحسبلك الساعات المجتازة والمتبقية وخلاص تكوني تخرج بأذن الله عشان وقت تسلم الوثيقة تكوني منتهية مو يقولولك والله باقيلك مادة لازم تاخديها وبالتوفيق يارب

[وهج الشموووع]

ربي يسعدك ويسعد قلبك ويعطيكي الف عافيه على ردك بجد مشاهدات كثير ولا احد افادني غيرك انا بجد محتاجه احد يشور عليا لاني كنت متلخطه والله فوق ماتتصوري انا قدمت الاوراق الخاصه بالتخرج وصورتها وكل شي سويته بس باقيلي حوسة البحث اللي مخوفني ولا المواد خلاص باقيلي 3 ونزلتها السمستر دا باقي البحث نزلته عالجدول ومحيرني لكن الله يستر واشكرك الف مره علئ ردك واتمنى اذا تعرفي مكاتب تكتب البحث افيديني

[وهج الشموووع]

اي احد يعرف مكاتب تسوي بحث ارجوكم محتااااااااجتها والله لصعوووبة ظروفي محتاجه افادتكم

[طالبه إداري وإنساني]

والله ماعندي علم

بس حبيت أرفع لك الموضوع

[وهج الشموووع]

يسلمك ربي ماقصرتي والله عالرفع

[روعة الكون]

عادي حبيبتي احنا هنا اخوات نساعد بعض وانا حاسة فيكي لأني مريت بنفس الربكة الي انتي فيها

بالنسبة للمكاتب والله ماعندي خلفية لأني انا بنفسي كتبت بحثي لكن شوفي مكاتب شارع الجامعة

[وهج الشموووع]

اخت روعه حاولت ارسلك رساله عالخاص بس مااينفع مشاركاتي اقل من 100 انا كان ودي نتواصل عن طريق الواتس اب وتسعدني صداقتك وان شاالله تدخلي الموضوع واشوف ردك

[/دهن العود/]

كان الله في العون

[روعة الكون]

من عيوني حبيبتي ارسلك ايميلي بس ما اعرف اذا الإدارة تسمح او لا