تجمع طالبات الإنتساب لمناقشة الجداول والأستاذات{تم تحديث الساعات المكتبية لـ أ/ حنين}

[enou]

السلام عليكم ورحمة الله وبركاته
شايفه انو في لخبطه في الجامعه ولا ايش الهرجه مادري ماعرف متى تبدأ دراستنا في السنترا كاتبين 10 محرم وفي تقويم الجامعه 18 الحج وكمان الجدول في الاودس لمن نزلت موادي الايام فيها خميس وجمعه بس وجدول السنترا لمن سجلت فيه الايام من السبت للربوع مره لخبطه قويه وماعرف شي
سويت جدولي دي موادي واستاذاتي :
1- مناهج البحث في علم النفس مع ياسمين عطالله
2- علم النفس الجنائي مع صباح الرفاعي
3- التوجيه والارشاد النفسي مع رشا باناجه
4- علم نفس الفئات الخاصة مع ريم الكناني
5- علم النفس المهني مع اميرة الزين
6- التدريب الميداني مع خلود ناصر
فااا اللي تعرف شي عن المواد دي ايش الكتاب المقرر مين المؤلف الطبعه الكم شكل الكتاب ايش الفصول اللي معانا ايش نذاكر ايش مانذاكر تتفضل تفيدنا وتساعدنا لانو اخاف تكون الدراسه فعلاً 10 محرم وطبعاً الاختبارات 14 صفر فما حيمدينا نذاكر او نسوي شي في الفتره البسيطه دي نبغا نلحق على حالنا من بدري حتى لو بدأت المحاضرات يكون عندنا معلومات وعارفين نفسنا فين ايش علينا وايش مو علينا وايش كل حاجه
ياريت الكل يتجمع هنا وتكتب ردها واللي تعرفو واللي ماتعرفو وكل شي يتعلق بالموضوع هنا ونكون كلنا قلوبنا على بعض ونساعد بعض

بدري بدري تسلم الايادي اللي ترد وتساعد وبالتوفيق ان شاء الله