بسببها راح اسحب من الجامعة وما راح اكمل

[wed0o0]

لاتعجزي نفسك كل شي بالبداية تحسيه صعب ومستحيل
بس استخيري وادعي ربي يسهلك
دوري بالنت عن افكار لمواضيع لغوية..
افتكر لما اخدت المادة كانت تقول ممكن تتكلمو عن حرف ال"ق" مثلا كيف بيتنطق ؟ البعض ق والبعض تقيلة زي g والبعض أ والبعض حتى ك : "قلت , ألت, كلت " طبعا بيختلف حسب المنطقة والمدينة والمجتمع وممكن الجنس ذكر او انثى .. انت تدرسي دي الاشياء وتطلعي نتيجة دراستك

ممكن كمان تتكلمي عن ايش اللهجة اللي most prestigiouse مثلا الحجازية والنجدية والشرقيه
اعملي استبيان مثلا تسالي فيه "زي ماكانت تقول" : ماهي اللهجة برايك اللي صاحبها بيعيش بفيلا,اللي دخله عالي,اللي منصبه اعلى ,اي لهجة متداولة اكثر مثلا في الاعلانات , واي لهجة اللي الاجانب بيفهموها اكتر..... وكدا
وتحددي الفئة اللي عملتي عليها دراستك مثلا استخدمتي عامل السن "تحددي الاعمار اللي استخدمتيها" الجنس "ذكر , انثى" الطبقة الاجتماعية.... الخ

طبعا ممكن استبيانك يكون بالعربي.. بس تحليلك ونتيجتك اللي وصلتيلها كله انجلش



ان شاءالله اكون افدتك

بالتوفيق