ممكن اخذ رايكم بوضعي هالترم ؟

[miss.givenchy]

السلام عليكم

صباح الخير للجميع

اولاً اعتبرو موضوعي موضوع انساني بحت وحابه فيه ترشدوني للصح ،

طبعاً انا لظروف حملي للحين ماسويت جدولي والسبب اني كنت ناويه اجل هالترم بس توكلت ع ربي وقلت اخليه ، انا الان مستوى رابع اش رايكم بالمواد اخذها كلها والا تعتبر صعبه علي انا يهمني اخلص بسرعه عشان كذا بالمستوى الثالث اخذت الست مواد كلها ومعدلي فوق 3 فايش نصيحتكم ليه هالترم خاصة انو موعد ولادتي من المحتمل يكون باخر 2 يعني ايام الاختبارات ؟

وياليت تعطوني اسماء المقررات لهالترم بقدرة قادر ماعاد عرفت من فين الاقيها بالضبط ! لاتلوموني مع البلس حوووسه

[miss.givenchy]

ياجمااااعه مو معقول كذا تخيلوو بعد ماكتبت الموضوع رحت فتحت الاودس لقيتهم حاطيلي جدول من نفسهم انا ماضبطت جدوولي ولا شي ممكن اعرف هما ليه يسوو جداول ع كيفهم وكيف يختارولي الاساتذه من عندهم حسبي الله ونعم الوكيل

لقيتهم ضايفيلي خمسه مواد بواقع 13 ساعه مجموع ساعاتي !!

احد يفهمني هل ممكن اقدر اغير حاجه ولا لا ؟

وهذي اسماء الاساتذه اللي حاطينهم ليه
محاسبه حكوميه / هبه مؤمنه
قانون اداري / صباح المصري
اخلاقيات عمل / احمد المزجاجي
نظرية التنظيم / نسرين خياط
ادارة الخدمه المدنيه / رزان هدايه

[الوثلاني]

اول شي الله يسهل عليك حملك ويقومك بالسلامة ثانيا انا من رايي تخلين الجدول حسب الخطه الدراسيه وتركزي ع الاستاذات مو المواد . واذا شفتي حملك بيأثر عليك اجلي كل مطرود ملحوق وفي العجلة الندامة والله يوفقنا وياك

[ريهااااام]

سبحان الله انا نفس حالتك بالضبط الله يقومنا بالسلامه وفكرت اني انسحب بس مع التشجيع
مايوقف شي بأذن الله ان شاءالله نفرح فرحتين قولي امين
انا رأيي انه موادك حلوه وسهله تقريبا كلهم اخذتهم وكمان الدكاتره حلوين بس رزان مااعرفها

[سسسسر]

مؤادك حلووه دام تولدي في شهر 2 والاختبارات تبدا2/14 لو انا مكانك اجل ترم لانو صعب طيب يمكن تذكري وتجتهد واخرتها تولدي يعني تعب اذكر بعدين ماحضرر الاختبارات الله يوفقكي ويسهل عليكي

[ام اصيل وجوجي]

حبيبتي ما ابي احبطك العام كنت في نفس وضعك بالضبط حملت وكانت ولا دتي في نهاية شهر الاختبارات واجلت الترم وعوضتها في الترم الثاني نفس المواد والحمدلله نجحت وبتفوق كمان فانتي استخيري ربي وما تدرين يمكن تذاكرين وتولدين قبل الاختبارات اهم شي استخيري وسوي اللي يريحك ولا تضغطين على نفسك ياعسلاهم شي صحتك وصحة البيبي والدراسه تتعوض الترم الثاني

[miss.givenchy]

يارب تسعد وتوفق وتيسر امور كل من رد علي ، اللهم وفقهم لما تحب وترضى واكتب لهم السعاده بالدارين ،

بخصوص الجدول كيف هما اللي حاطينه ليه عادي كذا ؟ انا دخلت جدول الطالب الدراسي ولقيته بالله مين اللي ضبطه لي ؟

طيب اقدر اغير الاساتذه هذولي خصوصاً المزجاجي لان الجميع مايمدحونه!؟