تخصص علاج طبيعى :)

[miss chocolate]

المشاركة الأصلية كتبت بواسطة ii 5o5a ii الله يسعدك يارب والله انا مرا افكر فى دا التخصص ومرا احس بانه ممتع وغريب ومميز مع انوه ماما مو مرا مشجعتنى واختى (صيدله) تقنعنى بكليه الصيدله عشان اتخرج ph.d والمعدل كمان من جهه ياليت تقوليلى انتى اش رايك وهل الدوام فى شفتات او لا؟ ويعتمد تخصص العلاج الطبيى على اى ماده ادرى انكم بتأخذو كل شى بس التركيز على اى ماده

شوفي يا حلوة اذا على التشجيع شوفي انت ايش مقتنعة وانت ايش حابة بما ان اختك صيدلة اكيد عندك خلفية عن المواد اللي بتدرسها فهل انت حابة تتعلمي ديه الاشياء !!
هل انت من النوع تحبي تتعاملي مع اجهزة واغلب وقتك يكون كدا اولا يكون مع مرضى يعني يقعد المريض تقريبا معاكي ساعة
بالنسبة لينا احنا نتخرج كاخصائيات علاج طبيعي اكيد اتوقع المعدل بياثر احنا كاول دفعة لمن قبلو قبل اعلى بنات في الدفعة
وللشفتات ما عندنا طبعا اذا اشتغلتي في مستشفى حكومي اذا اهلي شئ تاني
المواد امم حاقعد اتكلم لبكرة عموما بندرس عظام واعصاب واطفال وقلب ورئة من ناحية طبية وفي المقابل بندرسها من ناحية علاج طبيعي
يعني مثلا جاتك حالة الام رقبة حتتعملي كيف تعمليها تشخيص وتحليل لمشكلتها بعد كدا ايش العلاج المناسب من تمارين وادوات يستخدومها الفيزيو
في سنة تانية حتدرسي كل المواد اساسيات من تشريح وفيسيولوجي ومواد علاج اساسية زي العلاج بالماء العلاج بالكهرباء مادة العلاج بالتمارين ومادة التقييم لعضلات الجسم واشياء تاني بعدا كدا السنوات اللي بعدها ححتخصي في كل ترم تخصص
العلاج حلو يحتاج قوة وتفكير بنفس الوقت يعني دحين انا مهلوكة في المستشفى بالذات دا الشهر عشاني هناية مركزة فعضلاتي ماشاء الله صارت توب
انت فكري واستخيري واذا عندك اي سؤال اتفضلي سوري على التاخير