Black box

[Patricia]

اليووم كان فيه حفلة، والله من كثر مناسباتها مدري هي لشو بالضبط، مسوينها لناس جايين من الحج من بعيد، ولعيد ميلاد الجميلة نايا أساسا عيدها السبت بس محد فايق لها ذاك اليوم، المهم كانت حفلة طووويلة بس خفيفة وحلاوتها إن الضيوف أردنيين ومانشوفهم كثير ف زمان عن جلستهم وسوالفهم، بس كنت متواعدة مع مرة أخوي يدبكوا هي وأختها ومرة أخوها أبي أرقص الدبكة وياهم، والله فعلا سويناها، بصراحة أحب دبكتهم أنبسط عليها، والحلوة مرة أخوي تقولي نامي عشان تجي تتغدي عندنا منسف أردني ع أصوله، شكله أمها جايبتلها جميد كركي، قلتلها تعفيني ما أحبه ولا أحب هالأبيض اللي يحطون اللحم فيه واااه ياطعمه يقلب البطن، الله يكرم النعمة بس..!