استفسار بخصوص لقاء اكسبرس -باب رزق

[حلوة المعاني]

دوبي اشوف موضوعك

اي انا رحت وليتني مارحت صراحه

اولا انلطعنا ساعه وحنا برا نستنى يفتوحو البوابات والرجال يدخلو ويطلعو من بوابتهم وحق الامن واقف حتى ماكلف على نفسه يرحمنا ويقولنا الدخول من قسم الرجال علشان تدخلو للقاعه لين البنات بنفسهم دخلو وطلعونا ورجعو دخلونا للمره الثانيه
ولما دخلنا لقينا موظفتين قبل ماندخل القاعه يسألو كل وحده عن مؤهلهم اذا كان ثانوي او بكالوريوس او ماجستير وبعدين يسئلو اذا نستلم من حافز او لا ويعطونا ارقام
دخلنا القاعه وكلها بنات لكن زي ماقالو لناالموظفات فيه كاميرات ووراها رجال يعني افهموها تغطو
وقالت وجودهم مهم المهم القت محاضره الاستاذه اماني مشرفة قسم التوظيف بصندوق الموارد البشريه
يعرفو بصندوق تنميه المواردويذكرو انجازاتهم وكيف انهم يدعمو المدارس والمشاريع الصغيره ووو
وكيف نبحث عن الوظائف وكيف نقدم سيره ذاتيه وكيف نسوق عن نفسنا اثناء المقابله الشخصيه
جلست ساعه تهرج معانا وبعدين جت وحده وقالت كل البنات الي ارقامهم من 1 الي 10 يتقدمو
ويدخلو في غرفه كبيره وكانو جدا منظمين ومافي زحمه عند الدخول على انو الحاضرات كثير يمكن فوق 200 بس كان في تنظيم وسرعه
الهم اول مادخلنا يكون في استقبالنا موظفه وتسجل الاسم ورقم الجوال والمؤهل وتسأل اذا تستلمي حافز او لا واذا ايوه تعطيك شريطه ههههههههه تعليقها بعباتك علشان يعرفو الشركات انك من شلة حافز

دخلنا وكان على كل طاوله اسم المصنع او الشركه وكان في رجال كثييييييييير اصحاب الشركات
الوظائف المعروضه كانت ( بائعات - عاملات خط انتاج - في وظائف اداريه لكن شرط اللغه الانجليزيه مهم وفي شركات كثير وصوالين ومشاغل )

وصراحه صراحه الشركات الي مسؤول التوظيف رجل يكونو متحيزات للكاشفات اكثر من المتحجبات
قلة ادب وقرف صراحه

ومافي مقابلات شخصيه
بس تسجلي اسمك او تعطيهم السيره الذاتيه وبعدين هما يتصلو فيكي تجي عندهم للمصنع او الشركه وتعملي المقابله الشخصيه

وفي شركات تسوي معاك المقابله الشخصيه وتوقعي العقد في نفس اللحظه بس اعتقد ذولا الي رواتبهم 1200 او 1500

[احساس أنثى]

الله يرزقنا من أوسع أبوابه ياارب